20.2 C
Hakha
Sunday, May 9, 2021
- Advertisement -

Ṭial Tharmi

A Lungkhong Taktakmi Brazil President Covid-19 Zawtnak a Ngei

Covid-19 zawtnak te hna cu cumpi tlangrai tluk hmanh asi lo a titu a lungkhong taktakmi Brazil President Pu Jair Bolsonaro cu Nikhatni ah Covid-19 in a zaw ruangmang.

President pa cu Nihnihni ah TV nih interview an tuah i “Zarhpini ah ka taklin, ka khuh i ka dam lo. Nikhatni ahcun ka taklinh a zual, ka khuh chin i ka zaw chin. Mah ruangah kaa test i ka pum ah rungrul an hmuh,” tiah a chim.

“Atu cu ka taklinh a dai ngai cang. Ka dam tuk cang. Hydroxychloroquine le azithromycin sii in kaa thlop,” ati. Anih hi kum 65 asi cang caah a him lo ngaimi kum ah aa tel ve.

President pa nih hin Covid-19 zawtnak cu “tlangrai hmete” tiin a auh i zei huaha lo thil hmete bantukin a rak chim peng. Kan ram sipuaizi a tla lai tiin lockdown tuah zong a rak duh lo.

Atu cun Brazil ram ah minung ting 16 (1.6 million) leng an zaw i thong 66 leng an thi cang. Vawlei cungah a zawmi le thimi tambik 2nak ram, US changtu asi cang.

Hmasa ah Zeitin Dah Bia a Rak Chim?

April thla ah, President Jair Bolsonaro nih, “Covid-19 zawtnak te hna cu ka ngeih zongah ka zei hmanh ti lai lo, cumpi tlangrai hmete bantuk si ko lai hen cu” tiah a rak chim.

Mah lio cun an ram ah mizaw 40,000 le mithi 3,000 dengmang an rak um.

Zawtnak nakin lockdown tuah nih harnak a kan pek deuh lai, a ti i lockdown tuah zong a rak duh lo. Media pawl nih mah zawtnak hi ṭihnung tukin nan chim i mipi nan lauter hna, tiin media zong a rak soi len hna.

A rak chimmi pawl lakah atanglei zong hi aa tel;

  • 11 March: “Atutiang ka hmuh khawh tawk ah, coronavirus nakin tlangrai nih minung tam deuh a thah hna” a rak ti.
  • 18 March: “Tuni cu thawngpang thar thanh awk kan ngei hna, kan ram khua a hung pau deng cang i coronavirus pulrai a dong deng cang … a dong cang ti khawh zong asi ko … kan ram bantuk nilinhnak ahcun mah zawtnak hi a karh kho lo,” a rak ti.
  • 20 March: “2018 ah namte sawh ka tong cang nain, mah tlangrai hmete coronavirus te hna nih cun aa ka thlu kho rih hlei lai lo,” ati.

April 19 zongah: Amah ṭanhtu pawl he ‘khat le khat aa hlat piin um’ duh lonak an rak langhter.

Khua cozah nih “mask nan i hruk hrimhrim lai” tiin nawl an chuahnak khua pawl zongah mask hruk loin puai le meeting a kal peng fawn. — BBC, ABC News

- Advertisement -

Ṭial Tharmi

Chinmi lakah ‘Stanford University’ a kai kho hmasa cemmi Biak Tha Hlawn – Lawmhpi cio hna usih

Biak Tha Hlawn cu Chinmi nih an kai khawh bal lomi vawlei cung university ṭha bik 2nak Stanford University nih a cohlan pinah scholarship...

CDF-Hakha nih Surkhua Palik Sakhan an lak, hriamnam zong an lak

Chinram Vengtu Ralkap (CDF) Hakha nih May 8 chun 11:30am hrawngah Surkhua palik sakhan an lak i hriamnam zong an lak. Sakhan cu an...

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...
- Advertisement -

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -