21.3 C
Hakha
Thursday, April 15, 2021
- Advertisement -

Ṭial Tharmi

AA sinah Chinmi 200 leng ralkap an tuan

Rakhine hriamtlai Arakan Army (AA) sinah Chinmi 200 leng ralkap an ṭuan, tiah AA ralbawi Tun Myiat Naing nih Irrawaddy media thawngla nu Nan Lwin Hnin Pwint sinah a chim.

AA ralbawi Tun Myiat Naing nih, “kanmah AA ralkap lakah a tambik cu Rakhine miphun an si i a changtu ah Chin miphun an si. Chin miphun zong, Khumi miphun zong an i tel.

“Kan chimhmi hna cu, hlan lio ah nanmah Chin he Rakhine ram kan rak dirhṭi hna. Rakhine rampi cu kan rak ngeihṭi hna. Mah ram hi kan rak ngeihṭi caah aa tluk tein covo kan ngahṭi hna awk asi. Mah covo cu aa tluk tein kan ngahṭi nak ding ahcun ṭuanvo zong kan lakṭi hna a hau. Hmun khat ah vengṭi hna usih law umṭi hna usih timi lungput in lungrualnak kan tuah.

“Atu cu Chinmi zong an i tel ngai cang. Aza leng an um. 200 leng an um. Chinmi tampi an rak lut rih lai ti zong kan i ruahchan,” tiah a chim.

“Kannih cu dothlennak ralkap, tapung ralkap kan ti cu rank hi tampi a hlawkmi arfi (bo) tleutleu cu kan i pe lo.

“AA ralkap a ṭuanmi Chin pakhat nih ralkap phu khat a hruai khawh ahcun amah nih mah ralkap phu cu hruai in ral tuk ter asi ko.

“Chinmi pawl cu Brigade Commander tiang cu an phan rih lo. Mah hi cu ṭuan caan sau/lo le anmah pumpak thiamnak cungah aa hngatmi asi.

“Kan ralkap lakah mah miphun lawng cu a rank kan kaih lai timi ruahnak ṭhalo kan ngei lo. Khumi miphun chungin thiamnak a ngeimi an um ahcun ralbawi rank zong kan pek ko lai. Thiamnak a ngeih ahcun bawibik zong asi ko lai. Rakhine nu silole Kaman nu zong an thiamnak nih a phak cun bawi an si ko lai.

“Minung pakhat cio an thil ti khawhnak zoh in an rank kan kaih hna. Miphun hoih in rank kaih cu a um lo,” tiah a chimchap.

Charhchan: Zalen

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -