20.2 C
Hakha
Sunday, May 9, 2021
- Advertisement -

Ṭial Tharmi

AA tlaihmi palek le ralkap 50 leng chungah 14 an khamh khawh hna

Rakhine hriamtlai (AA) nih an tlaihmi ralkap, palek, vuanṭhan le khuami dihlak fonh 58 chungah 14 cu kan khamh khawh cang hna, tiah Ralkap Bawizik Zung nih thawng a thanh.

AA nih an tlaihnak hna hmun pawngah, ralkap thlahnak helicopter pawl in mi khamhtu ding ralkap kan thlah hna. Helicopter pawl cu AA nih an kah thluahmah, ati.

Mah ruangah ralkap thlahnak helicopter cu meithal kuan cheukhat nih a khen i a mongtu pakhat hliam a tong. A hma cu a nunnak caah thinphang asi lo.

“Mah hnu cun, va bawm hna dingin le pawngkam ah mi kawl le khamh rian ṭuan dingin raltuknak helicopter pakhat kan kuat.

“Raltuknak helicopter cu AA nih an kah ṭhan i kuan nih a khen len caah helicopter nih ralrin peknak ah a kah ve hna.

“Cutin an i kahmi a daih hnu ah, AA tlaihmi chungin minung 14 cu hmun dang cio ah ralkap nih an hmuh hna i an khamh hna. A taangmi pawl cu cunglei in helicopter le tanglei in ke ralkap pawl he a ran khawh chungin kawl le khamh hna dingin ralkap nih kan tawlrel cuahmah,” ati.

Ramri hngak palek nih Buthidaung peng i Ngayantchaung khuate an ven lio

Mah kong he pehtlai nih October 27 ah AA nih thawng a thanh ve

October 26 ah Rathedaung peng i Yimyat khuate pawng ah Gold Fleet helicopter cungin ralkap pawl cu khuami bantukin an i umter i khualtlawng he i cawh in an ṭum ti thawngpang kan theih caah kan va check hna i lunghrinhmi pawl kan hmuh chap hna caah mah pawl cu kan tlaih hna. A taangmi ticung khualtlawng pawl cu chun ah kan thlah ṭhan hna, ati.

Mah hnu October 26 chun 12:30pm ah lunghrinhmi pawl cu check hna dingin seh-tilawng kan kalpi hna lio ah ralkap nih helicopter 3 in ralkap meithal le rocket pawl in a kan kah, tiah AA nih a thanh.

“Cutin a kan kah caah seh-tilawng 3 aa citmi Kawl ralkap (lunghrinh in tlaihmi) le kan ralkap cheukhat cu an thi dih i seh-tilawng (set-hle) 2 cu an ningin an rawk dih i ti chungah an pil.

“Seh-tilawng pakhat zong hman awk ṭha loin a rawk. Aa citmi pawl cu anmah luatnak kawl in an zaam cio.

“Check dingin kan kal pimi cheukhat cu cutin helicopter cungin an kah hna caah an thi i AA ralkap cheukhat zong an thi,” tiah AA nih a thanh.

- Advertisement -

Ṭial Tharmi

Chinmi lakah ‘Stanford University’ a kai kho hmasa cemmi Biak Tha Hlawn – Lawmhpi cio hna usih

Biak Tha Hlawn cu Chinmi nih an kai khawh bal lomi vawlei cung university ṭha bik 2nak Stanford University nih a cohlan pinah scholarship...

CDF-Hakha nih Surkhua Palik Sakhan an lak, hriamnam zong an lak

Chinram Vengtu Ralkap (CDF) Hakha nih May 8 chun 11:30am hrawngah Surkhua palik sakhan an lak i hriamnam zong an lak. Sakhan cu an...

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...
- Advertisement -

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -