14.1 C
Hakha
Sunday, May 9, 2021
- Advertisement -

Ṭial Tharmi

Afghanistan ah Ral a Tumi US Ralkap 2 an Thi

Kabul — Tuni ah Afghanistan ram ah ralhrang a domi US ralkap helicopter a tla i US ralkap 2 an thi, tiah US ralkap nih thawng a thanh.

Tuni a thimi 2 he cun, tu kum chungah Afghanistan ah US ralkap 19 an thi cang.

“Afghanistan cozah ralkap le US ralkap nih kah a kan timh caah an helicopter kan kah thlakmi si,” tiah muslim ralhrang Taliban biachimtu Mubiullah Mujahid nih a chim.

Kabul peng US ralkap hruaitu nih cun, “helicopter a tlak ning cu kan hlat lio asi,” tiah a chim.

Ni kum 2018 zongah Afghanistan ram ah ralhrang a domi US ralkap 13 an rak thi. Tu kum cu a thimi an tam deuh ngai.

US nih kum 2001 in Afghanistan ah ralhrang a doh thokin tuni tiangah US ralkap 2,400 hrawng an thi cang.

2019 August thla zongah, US Army Special Forces 2 cu Faryab pengah ralhrang nih an kah hna i hnu ah kuan hma in an nunnak liam.

President Trump acozah nih Afghanistan um US ralkap pawl cu hmai kum ah lak dih a duh hna caah Taliban ralhrang he daihnak minsen thut dingin biaruahnak an tuah nain September thla ah an ṭul.

US lei in biaruahtu phu lutlai a si vemi Zalmay Khalilzad nih ‘remnak hmelchunhnak caah thongtla i thleng hna usih law daihnak minsen thut dingin biaruahnak thok ṭhan usih..’ ati.

Nihnihni ah, Taliban nih Australia le US rammi 1 veve a thlah hna i Afghanistan cozah nih Taliban ralhrang bawi 3 a thlah ve hna.

Ni kum ah US cozah nih a ralkap 2,000 cu Afghanistan in a lak hna i atu hi 13,000 hrawng lawng an taang cang. — The Washington Post

Theihtlei: US ralkap a ṭuanmi Chinmi tampi lakah kan theih khawh tawk minung 15, hmet law rel ve

- Advertisement -

Ṭial Tharmi

CDF-Hakha nih Surkhua Palik Sakhan an lak, hriamnam zong an lak

Chinram Vengtu Ralkap (CDF) Hakha nih May 8 chun 11:30am hrawngah Surkhua palik sakhan an lak i hriamnam zong an lak. Sakhan cu an...

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...
- Advertisement -

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...

CDF nih CDM tuah lomi sianginn saya/ma pawl ralrin a pek hna

Chinram Runvennak Ralkap (Chinland Defense Force - CDF) nih CDM a tuah lomi le sianginn kai dingin forhfialtu saya/ma pawl cu fak piin ralrin...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -