27.6 C
Hakha
Thursday, April 22, 2021
- Advertisement -

Ṭial Tharmi

Apple nih Cutuh in iPhone ah Internet Pekning a Hlathlai

iPhone sertu US hrambunh Apple company nih cuṭuh in iPhone, Macbook, tbk., pawl ah internet pekning a hlathlai lio asi, tiah Bloomberg media nih a thanh.

A tuah khawh ahcun iPhone a ngeimi paoh cu simcard internet cawk a hau ti lai lo. Mah pinah, vawlei cung na kalnak kip ah internet line a um peng lai.

Apple nih cuṭuh internet a hlathlaimi hi Apple sermi iPhone, Macbook, AppleWatch, tbk., pawl an umnak dik tein hngalh khawhnak le feature thar tuahnak ca zongah asi kho, tiah Bloomberg media nih ati.

Apple CEO Tim Cook nih mah rian hi an company usape rian ah a chiah i aerospace, cuṭuh, wireless data kuatning le software engineers thiamsang thar tampi a hlan cuahmah hna.

Cutin an hlathlai (research) mi cu kum 5 chungah a result hmuh khawh dingin Apple nih ai tinh.

2017 te khan, Apple nih Google company i cuṭuh le spacecraft sertu phu lutlai 2; John Fenwick le Michael Trela a rak hlan cang hna. Anmah 2 nih cun cuṭuh le wireless internet pekning a hlattu phu cu an hruai hna lio asi.

Naite zongah Apple nih, wireless engineer minthang Matt Ettus, Ashley Moore Williams (Aerospace lutlai hlun), Daniel Ellis (Netflix company nih vawlei cung ramkip ah video a thlah khawhnak hnga rian a ṭuantu phu lutlai hlun) pawl a hlan chap hna.

A fiang rih lomi pakhat tu cu, Apple nih amah tein van ah cuṭuh tampi thlah a tim maw asiloah a um ciami cuṭuh pawl sin in data a dong khotu vawlei um technology in iPhone ah data kuat dah ai timh, ti hi asi.

Silole van i a herhmi thilri serpiak dingin cuṭuh ser minthang Lockheed Martin le Boeing company pawl zong a fial te khawh men hna.

Bloomberg nih, “atu cu hlathlai an thokka lawng asi rih caah a tlamtling kho taktak lai maw ti a fiang rih lo, a tlamtlinh thai loin hlawt zong a fawi,” ati.

- Advertisement -

Ṭial Tharmi

CNF Sakhan umnak Thantlang peng khuate 6 cu ralkap nih lengchuah an khap hna

Chin Miphun Ralkap (CNF) headquarters Victoria Sakhan kalnak lam ah a ummi khuate 6 cu April 21 thokin uknak firtu Myanmar ralkap nih khuapi...

President Biden: US ah COVID-19 raikhamsi 200 million kan chunh cang hna

US President Joe Biden nih, "President ka ṭuan ni 100 chungah COVID-19 raikhamsi 200 million kan chunh hna lai ka rak timi cu kan...

Dr Sasa nih ASEAN sinah hitin ca a kuat

Caankarlak cozah NUG biachimtu le Ramdang he Rianṭuanṭinak Vuanci Dr. Sasa nih ASEAN sinah ca a kuat. April 24 ah ASEAN nih Myanmar kong Lakhruak...
- Advertisement -

ASEAN ram pawl nih Min Aung Hlaing meeting an sawmmi hi an let awk a si – HRW

A ra laimi Zarhteni (April 24) ah ASEAN ram pawl nih Indonesia ram ah Myanmar ram kong ceih dingin meeting tuah an tim i...

Falam pengah Chin ralkap ‘CNDF’ an dirhmi hi mipi caah a tha maw?

Falam peng, Kalay-Kabaw le ramkip um Chin miphun nih kan ceih hnu April 13 ah Chin Miphun Runvennak Ralkap (Chin National Defence Force -...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -