21.3 C
Hakha
Thursday, April 15, 2021

Malaysia COVID-19

Malaysia
367,977
A zawmi
Updated on April 15, 2021 1:12 pm
Malaysia
1,363
A thimi
Updated on April 15, 2021 1:12 pm
Malaysia
349,039
A dammi
Updated on April 15, 2021 1:12 pm

Australia nih Hong Kong Khuami 10,000 Australia ah Umnak Nawl a Pek Hna

Advertisement

Tuni ah Australia ram hruaitu Prime Minister Pu Scott Morrison nih, “kan ram ah student le temporary work visa in a um Hong Kong khuami vialte Australia ah zungzal umnak nawl kan in pek hna,” tiin thawng a thanh.

China cozah nih amah tein aa uk pengmi Hong Kong khua ah Ram Himnak Upadi thar a ser i China cozah dotu le Hong Kong luatnak a duhmi paoh tlaih viar hna dingin Hong Kong ah sungṭhoh zung a on caah atu bantukin Australia cozah nih a ram um Hong Kong khuami vialte a humzual hna hi si.

Mirang nih a rak ukmi Hong Kong khua cu kum 1997 ah China cozah sinah a pek thokin tu kum thokka tiang amah tein aa uk pengmi si. China nih Hong Kong cungah Ram Himnak Upadi a sermi hi thlennak fak bik asi i China nih Hong Kong zalonnak a chuh ti khawh asi.

Hong Kong khuami a rem lomi paoh a tlaih khawh hna i China rampi ah a kuat khawh hna, thong a thlak khawh hna. Hong Kong um ramdangmi zong mah ṭhiam.

Pu Scott Morrison nih, “Hong Kong cozah he misual i kuat dingin lungtlinnak kan ngeihmi zong caankarlak kan ngol chung. Kan ram um Hong Kong khuami hohmanh Hong Kong cozah kut ah kan in ap hna lai lo,” ati.

“Hong Kong le China cozah zong mah kong hi thawng kan thanh cang hna.”

“Australia ram ah student le temporary work visa in Hong Kong khuami 10,000 hrawng nan um. Nan visa a thih cang zongah tuni thok in tu hnu kum 5 ca in kan in sauhpiak dih hna lai.”

“Kum 5 hnu ahcun Australia ram ah zungzal umnak nawl (PR) nan ngahte lai.”

“Cun, hmailei ah Australia ram ah rianthiam visa (skilled visa) a sok i a ngahmi paoh cu PR ngah kho dingin kum 5 visa kan in pek dih hna lai,” ati.

Pu Morrison nih acunglei bantukin thawng a thanh hlan deuhte ah Ramdang Vuanci Zung nih, “Hong Kong um Australia rammi vialte, China cozah nih naite i Hong Kong ah Ram Himnak Upadi a ser tharmi hi ṭihnung tuk asi. Nan sual lo buin tlaih in China rampi ah kuat le thongthlak nan tong kho,” tiin a rammi pawl ralrin a pek hna.

“Hong Kong ah nan ummi hi ṭha tein nan ruah a herh [Hong Kong chuahtak zokzok ulaw a ṭha]” ati hna. — AFP

- Advertisement -

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

Ṭial Tharmi

Ṭial Tharmi

COVID-19

Vawleipumpi
138,992,376
A zawmi
Updated on April 15, 2021 1:12 pm
Vawleipumpi
2,988,901
A thimi
Updated on April 15, 2021 1:12 pm
Vawleipumpi
114,608,612
A dammi
Updated on April 15, 2021 1:12 pm
- Advertisement -