Singapore ram ah zuu a rimi pa pakhat cu biakinn chung ah a lut i nu pakhat horduhcuai in a va tuaitam caah nizaan ahkhan biaceih zung nih S$2,500 liam ding le ni 5 thongthlak dingin bia a khiahpiak.
Singapore rammi India miphun Rajendran Prakash (kum 27) cu 2018 September 29 ahkhan lahkhah a thoh hnu in zuu a ding.
Mah ni ahcun 50 Ophir lam ah a ummi Church of Our Lady Lourdes timi biakinn chung ah a lut i minu pakhat a va tuaitam.
Biakinn ah thla a cammi tarpa Eu Seng Kee nih minu a tuaitam lio cu a hmuh. Minu cu kal dingin a chimh. Minu cu a kal ko nain Rajendran nih a hnu in a zulh.
Mah ahcun biakinn tangka tlaitu Gladiston Joseph (kum 49) nih Rajendran thil tuah kham dingin hmai ah a va kal hnawh. Rajendran zuu a rit kha a theih.
Rajendran nih Gladiston cu a hmai ah ruah lopi in a bengh hnu ah amah tu ttuang ah a tlu.
Gladiston nih father pawl kha palek chawnh a fial hna. Mah le cangka in Rajendran cu Rochor tiluannak chung ah a zuang. Nain, palek nih ti chung ah an zuanhnawh i an tlaih tthiam. Cu video cu online ah a lar ngaingai. A tanglei ah zoh khawh a si. – CNA
