20.2 C
Hakha
Sunday, May 9, 2021
- Advertisement -

Ṭial Tharmi

Brandon: Aung La N Sang cu Round 5 hlan ah ka tei lai

US chuak Filipin miphun Brandon Vera nih, “Aung La N Sang cu round 5 hlan ah ka tei lai,” tiah a phuan cang. October 13 ah Japan khualipi Tokyo ah aa phomh ding an si.

Kum 42 pa nih “zeitin dah ka tei lai timi kuat ka ngei cang, nain atu cu hohmanh kan chim rih hna lai lo,” tiah a chim.

Brandon Vera cu atu lio ONE Championship ah heavyweight champion asi. Aa ṭhuat fatin round 1 ah puaipiat in a tei peng hna.

Atu an i phomhnak ding hi Light Heavyweight ah si lai caah tlawmpal aa zaanter deuh hau. Round khat minutes 5 in round 5 tiang a um. A dihlak minutes 25 chung si. A karlak ah minute 1 dinh um lai.

Brandon Vera nih, “round 5 a dih tiang ṭhuat kai tim lo, puai dih hlan ah tei dingin kai tim,” ati.

Aung La N Sang nih Japan pa a tei cangka in Brandan Vera nih a singkhaw lio VIDEO

Brandon Vera nih, “Biakhiaktu (judge) pawl nih mi ka tei le teilo an khiah ding hrim ka duh bal lo. Mah ruang cun puai dih hlan ah ka tei hrimhrim lai. Knockout (KO) in ka tei lo hmanh ah TKO tal in ka tei lai,” tiah a chim.

“Heavyweight champion lawng si cu ka lungtling lo. Weight 2 tal ah champion si ka duh. MMA ka luh cangka in weight 2 tal ahcun champion ka si hrim lai ti hi kai rak tinh pengmi asi.

“Aung La cu gym, nipiah le training hawi zong aa hrawm balmi kan si caah ka unau bantukin ka ruahmi si.

“Amah he i ṭhuat cu ka duhmi si lo, nain atu lio light heavyweight champion amah asi ruangah hrial awk a ṭha lo i si. Atu hi dawtnak in huatnak a tuah ding phun zong kai lawhter.

“Aung La cu zaanglek ahcun ṭihnung le tuksapur taktak asi.

“Hmai a nor peng, a zaam bal lo, puai 1 hnu puai 1 a mak chin lengmang i a thiam chin lengmang, ka hmuh balmi vialte lakah a ṭhawng bik si, dawtnak zong a ngei deuh, a ram hrim nih tha a pek tuk.

“Mi a ṭhuat ning, zuanh a zat le zat lo a tuakning le a mi phomh hi hlan lio nakin a ṭhangcho deuh tuk cang. Hlan ahcun, a ṭhawn ruangah duhpaoh in a zuang tawn, ṭih a ngei lo.

“Atu cu a ralpa chanbaunak a ngia, zeitin dah ka phomh lai ti a ruat, an den khawhnak dingin kuat ai ser, mah ruang cun ṭihnung tuk simi kha ṭihnung chinchin cang.

“Nain, teinak kuat kaa ngeih ko. Hohmanh kan chim rih hna lai lo. Round 5 dih tiang ka ṭhua lai lo, puai dih hlan ah ka tei lai,” tiah a chim.

Aung La N Sang: Brandon Vera a ngan deuhmi hi a biapi lo, ka tei thiam lai

- Advertisement -

Ṭial Tharmi

CDF-Hakha nih Surkhua Palik Sakhan an lak, hriamnam zong an lak

Chinram Vengtu Ralkap (CDF) Hakha nih May 8 chun 11:30am hrawngah Surkhua palik sakhan an lak i hriamnam zong an lak. Sakhan cu an...

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...
- Advertisement -

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...

CDF nih CDM tuah lomi sianginn saya/ma pawl ralrin a pek hna

Chinram Runvennak Ralkap (Chinland Defense Force - CDF) nih CDM a tuah lomi le sianginn kai dingin forhfialtu saya/ma pawl cu fak piin ralrin...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -