Thaizing July 8 zaan suimilam 11:59pm thawk bakin Melbourne khuapi pumpaluk le Mitchell Shire cu zarh 6 chung lockdown tuah a si than cang lai; hi hna chung ummi vialte cu Stage 3 phihkhamnak ah kirter an si.
Victoria ramkulh chungah nizaan in nihin tiang suimilam 24 chungah zawtnak ngeimi 200 deng hmuh than an si.
Atu ah a thar in zawtnak hi a karh chin lengmang caah atu bantukin erhkhumhnak (lockdown) hi tuah than a sinak a si.
- Rawldawr le adangdang eidin dawr vialte cu takeaway (inn i put ding) lawngin on a si than lai.
- Inn ah mileng ngeih a ngah lai lo.
- Khualeng ah hmunkhat ah minung 2 leng in umkalnak asiloah tonpumhnak tuah a ngah lai lo.
- Sianginn kong he pehtlai in Grade Prep – Year 10 tiang siangngakchia pawl caah sianginn khar caan (holiday) cu zarh 1 chung sauh than a si lai.
- Eidin le a herh tukmi thilri cawk, mi damlo/chiat ni i zohkhenh, exercise (pum cawlcanghnak) tuah le (inn in tuah awk that lo lawngah) sianginn kai asiloah riantuan ti dah lo ahcun lengchuah a ngah lai lo.
Theihternak: Victoria Ramkulh Uktu Premier Daniel Andrews thanhmi chungin a tawinak in laakmi a si.
Cattialtu: Salai Robert Ngun Sang
- Advertisement -
