28.1 C
Hakha
Thursday, April 15, 2021
- Advertisement -

Ṭial Tharmi

British palek nih truck chungah miruak 39 an hmuh

London — Tu zingka ah Bulgaria ram in Grays khua ah a rung lutmi thil phorhnak mawtaw (truck) chungah palek nih miruak 39 an hmuh, tiah UK tadinca The Sun le US tadinca Wall Street Journal nih an ttial.

Puaisa pawl nih London kalpi dingin tangka an lak hna i an phorhmi hna an si. Grays khua cu Essex pengah a ummi si i London khuapi in meng 20 hrawng aa hlat.

Thil phorhnak mawtaw cu Bulgaria ram in aa thawh i Zarhteni ahkhan Wales ram i Holyhead khua ah a lut, tiah zumh asi.

A mongtu pa cu kum 25 Northern Ireland ah a ummi si. Amah nih a thah hna ti lunghrinh in kan tlaih, tiah palek nih an chim.

“Hi zatzat minung nunnak liam cu tuksapur taktak asi. Mithi pawl cu an min le konglam theih kan i zuam liopi asi, sau ngai kan rau lai,” tiah Essex peng palek bawi Andrew Mariner nih a chim.

“Lorry mongtu pa cu atu hi palek sakhan ah kan hren i a konglam kan hlat cuahmah liopi asi,” ati.

Nithumni zingka ah London khuapi he meng 20 aa hlatmi Grays khua i Waterglade Industrial Park ah thil phorhnak mawtaw cu palek nih an kham i a chungah minung 39 ruak an hmuh hi si. Upa 38 le tleirawl 1 an si. An dihlak in truck chungah an rak thi.

British Ramchung Vuanci Priti Patel nih, “Mah tuksapur thawngpang nih aa ka lauter, i ka ngaih aa ka chiatter,” tiah Twitter ah a tial.

Kum 2000 lio zongah, khayanchinti phorhnak mawtaw chungah benmi China rammi 58 ruak cu British thil chektu palek nih Dover tilawng dinhnak hmun ah an rak hmuh. Mah cu Britain ram chungah phungninglo ramdangmi ruak tambik an hmuh si.

Tutan hi a changtu asi.

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -