16.4 C
Hakha
Thursday, April 15, 2021
- Advertisement -

Ṭial Tharmi

Chan Chan nih Khrihfa zumtu ttha a silo tiin a soiseltu mipi sinah fianternak a tuah

Khrihfa a simi awttha Chan Chan nih biaknak kong he pehtlaiin a soiseltu mipi hna sinah fianternak a tuah.

Chan Chan nih, “A hlei in Khrihfa aa timi hna sinah chim ka duh. Biaknak an ttanhtuk ruangah maw a si? siloah Bible ca lawng a rel i a tak ah aa nunpi lomi tu dah an si hnga ti biahal awk a um.

“Bible carelnak puai caah tehte ka khannak programe ah comment a rak petu cheukhat cu Khrihfa kalsual bantuk in an ka soisel caah ka lungttha lo. Silole keimah tu kalsualmi maw ka si hnga.

“Kei ka theihmi Pathian cu miphun le biaknak kip cungah dawtnak le zaangfahnak ngei dingin a kan fialtu a si. Thilttha tuah cu thluachuah hmuhnak a si tiin ka zumh.

“Mipi nih an buaipi bikmi cu a luancia kum tampi lioah Fashion Music Festival caah Rakhine Pathian hla ka sakmi in aa thok.

“Khrihfa si ttung i biaknak dang hla sak cu Pathian a zumh taktak lo bia a si tiin an ka soselnak a sau cang.

“Ka nulepa hi biaknak aa khat lomi an si. Ka nu hi Buddhist a si i ka pa hi Khrihfa a si. Ka pa cu kan ngakchiat lio tein tilawng rianttuan a si ruangah inn ah a um hi a tlawmte. Ka chuah hnu caan sau hnu pi lawng ah Yangon ah voi 1 hrawnglawng a rak tlungmi a si tikah a fale pawl cu biakinn ah pumh dingin a kan thlah kho lo.

“Curuangah, ka nu nih a kan thlah lawngah kan unau in Sunday School kai le biakinn ah aa pum phun kan si. Ka pa nih ka nu a zumh. Rianttuan a kal caan ah a fanu le 4 cu biakinn ah thlah dingin ka nu cu bia a cah tak.

“Ka nu cu voi 1 hmanh a tlonh bal lo. Phungki thok in ka nu cu an khuaruahhar i an dawt. Ka nu cu vale cung ah dawtnak a ngei i biaknak a upatmi nu tiin mi nih theihmi a si.

“Hlasa minthang ka si hnu ah hla a phunphun ka sa. Khrihfa ka si i Pathian dang hla ka sakmi cu sual ah ka ruat lo. Ka nu nih biaknak a upat ruangah kan unau dihlak in Khrifa kan simi hi ka philh kho lo. Keimah bantuk in thil an ton bal lo ruangah an theihthiam lo i si men lai” tiah a ti.

Chan Chan cu va a ngeih lio zongah a va he an biaknak aa khah lo ruangah an i tthennak hi a si a timi zong an um.

“Atu bantuk Covid-19 caan ahhin miphun le biaknak thleidang loin an zaw hna i mibawmtu hna zong hi miphun le biaknak aa khat lomi an si hna.

“Keim zong bawmh a herh tukmi an um tikah miphun le biaknak thleidang loin ka bawmh ko hna lai. Kei ka theihmi Pathian cu cubantuk Pathian cu a si. Amah zawn lawng aa ruat lo.

“Khrihfa zumhtu ttha na si lo an kan ti zongah ka ngaihthiam ko hna. Pathian nih kan ral dawt a kan fial” tiah Chan Chan nih a ti.

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -