20.3 C
Hakha
Sunday, April 18, 2021
- Advertisement -

Ṭial Tharmi

Chin awtha 3 cu Myanmar Idol Top 11 ah an kai

Myanmar Idol hlasak zuamnak ah aa zuam vemi Chin awttha 3; Esther Dawt Chin Sung, Benjamin Sum le Yaw Kee hna cu tuzaan zuamnak zongah teinak an hmu rih.

Top finalist ah kan in telh cang hna, tiah biakhiaktu 3 nih an ti hna.

Yaw Kee cu biakhiaktu Tin Zar Maw nih, “a sannak na sak daan kha aa dawh tuk, a hram thok in a dongh tiang na sakmi ttha dih. A harmi tu cu na aw pei lo nain hla bia na khek deuh lo,” ati.

Atang VIDEO a hramthok ah Yaw Kee

Cun biakhiaktu si vemi, Mirang holh aa hruh pimi Aung Ko Latt nih, “may be yes, may be no. May be can go, may be you can go home…” tiin a tlerh pah len.

Nain, “Na si khawh chungin i zuam rih ko. Myanmar Idol top finalists chungah kan in telh cang,” tiah Tin Zar Maw nih ati tthan.

Esther Dawt Chin Sung cu Mirang hla a sakmi kongah Tin Zar Maw nih, “Kawl hla tampi a cawng lo i maw si hnga siloah Mirang hla sak a duh pah i maw si hnga tiin ka thinphang pah,” ati.

Atang VIDEO 10:24 ah Esther Dawt Chin Sung

“Kawl hla tampi a cawn lo caah Kawl hla sak a ttihmi si ahcun zeitin kan tuah lai ti zong kan ruat.

“Hla na sakmi cu a tha ko. Na tha zong tlung, na sak lio i na awchuah ning cheukhat zong ka uar ngai,” ati.

Esther nih, “a chia bik ton ding zong, a ttha bik ton ding zong ka ready ko,” tiah a chim.

“Myanmar Idol Season 4 top finalists chungah kan in telh cang,” tiah Tin Zar Maw nih ati.

Benjamin Sum cu biakhiaktu Phyu Phyu Kyaw Thein nih, “real performer bak na si ko. Hla zong tha tukin na sak khawh,” ati.

Atang VIDEO a hramthok ah Benjamin Sum

Aung Ko Latt nih, “nang cu hla ttha na sak paoh ahcun a ttha dih ko, na aw he aa tlak lomi hla zong ttha lakin a sa khomi Benjamin na si tu hau,” ati.

Tin Zar Maw nih, “next level ah kan in telh cang,” ati.

Benjamin cu aa lawm tuk i a mitthli tla. Aung Ko Latt nih, “thank you Lord (Bawipa ka lawm)” ati piak.

Tu zaan ahhin, a hnu bik a taangmi minung 22 an i zuammi result an thanh, i a thiam bikmi minung 11 (Top 11) an thim hna. Mah cu biakhiaktu pawl nih ‘top finalists ah kan in telh..’ an timi hna cu si.

Top 11 an thimmi hna cu;

Myanmar Idol Season 4 Top 11 thimmi
  • Esther Dawt Chin Sung
  • Benjamin Sum
  • Yaw Kee
  • အေးမြဖြူ
  • စနေလင်းကျော်
  • ခြူးစစ်ဟန်
  • နှင်းအိအိဝင်း
  • စောခရစ်မူးလာ
  • တန်ခွန်ကျော်
  • ထက်အဥ္စလီ
  • နော်စေးစေးထူး
- Advertisement -

Ṭial Tharmi

Tuni ah ralkap nih minung 2 meithal in an kah hna

Tuni Zarhpini ah, Mandalay ramṭhen Myingyan khua ah tlangval pakhat cu ralhrang Myanmar ralkap nih meithal in an kah caah a nunnak caah thinphan...

Sihni Salai Dawt Cung Lian inn ah gas a puak i a nunnak liam

Sihni Salai Dawt Cung Lian cu an inn ah gas a puak i a nunnak liam tiah kan theih. An nih hi Mandalay ah ralkap...

Yangon ah bomb a puak i ralkap 3 hliam tong

Nizaan ahkhan Yangon ah bomb tam ngai a puak i ralhrang Myanmar ralkap a tlawmbik 3 paoh hliam an tong, tiah The Irrawaddy media...
- Advertisement -

Bill Gates nih ‘mah 3’ a thiammi hi cu hmailei ah rian tha an hmu kho lai ati

Vawlei cung mirumbik 4nak a simi Bill Gates cu hmailei kong lawngte ah a buai khim ko. Thil thar sertu le sipuaizi thlengtu pawl he...

Apoi tuk: Min Aung Hlaing cu ASEAN Meeting a kai lai

Uknak firtu Myanmar ralkap bawizik Min Aung Hlaing cu April 24 ah tuah ding ASEAN meeting ah an sawm ve caah Indonesia a tlawng...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -