21.3 C
Hakha
Thursday, April 15, 2021
- Advertisement -

Ṭial Tharmi

Chin cozah nih 4.8 billion kyats in Mansawng Hlei thar a sak lai

Sagaing, Chin le India ram karlak chawlehnak lam ah a ummi Mansawng (Manipur) Tiva Hlei thar cu kum 2 chungah lim dingin tangka 4.8 billion kyats in kan sak lai, tiah Lamsul Vuanci Pu Sui Thio nih a chim.

Mansawng Hlei cu Chin state Tedim-Rihkhawdar lam um Manipur tiva cungah an donhmi asi. Mah lam hi India in Chin state in Sagaing region tiang a tlengmi chawlehnak lampi asi.

Atu lio Mansawng Hlei ahcun 16 tonns tang a ritmi mawtaw hme tete lawng kal onh asi. A thar sak an timhmi Mansawng Hlei cu 60 tonns tiang a ritmi thilphor mawtaw ngan pipi pawl zong an kal kho cang lai.

Vuanci Pui Sui Thio nih, “mah hlei ahhin mawtaw hme tete lawng kal onh an si. Atu hlei thar kan sak dih ahcun 60 tonns tiang a ritmi mawtaw ngan pipi zong an kal kho cang lai,” tiah a chim.

“Atu hi hlei sak cu kan thok cang. Mah hlei saknak caah ahhin tangka 4,800 million (4.8 billion) kyats hman kan timh. Mansawng Hlei cu pe 557 sau in kan sak lai,” tiah a chim.

An tu lio Mansawng hlei cu 16 tonns tang a ritmi lawng a tuar khawh caah furpi tilian lak ahcun kan seihchiah lo i mawtaw ngan pawl cu tlanglam in kan kal caah a buaithlak tuk, tiah Kalay le Rih kar a suaimi mawtaw ngeitu pawl sin in kan theih.

Kalay le Rih kar a suaimi mawtaw ngeitu pakhat nih, “hlei nih thil rit a tuar khawh lo caah fur caan ah harnak kan tong. Ṭhal caan ahcun hlei zulh loin hlei tang in tiva kan tan. Mawtaw zong thil tam deuh khin ngam asi lo. Minung phortu mawtaw caah cun a poinak um leemlo,” tiah a chim.

Vuanci Pu Sui Thio nih, “Mansawng Hlei sak hi kum 2 hrawng cu a rau laih tiah ka zumh. Aruang cu Var Hlei zong kan sak lio asi. Var Hlei cu hmai kum chungah kan lim khawh lai,” tiah a chim.

India le Myanmar kar chawlehnak lampi a simi Kalay-Rih lam cu ni fatin a tlawmbik mawtaw 30 in 50 kar peng nih an zulh.

Charhchan: Chin World

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -