21.3 C
Hakha
Thursday, April 15, 2021
- Advertisement -

Ṭial Tharmi

Chin Hakha Language School cu South Australia cozah nih phungning tein sianginn sinak a pek cang

Australia ram i South Australia state um Chinmi hna nih Lai (Hakha/Thantlang) holh cawnnak sianginn an tuahmi Chin Hakha Language School cu state cozah nih phungning tein pommi sianginn sinak a pek cang.

Chin Community South Australia nih, “South Australia cozah i Department of Education nih Chin Hakha Language School cu Accreditation School sinak (Australia cozah nih phungning te in pom mi Sianginn sinak) a kan pek.

“Hi thil si khawhnak caah kan hnakhaw a kan vit i ruahnak a rak kan pe tu Pastor Ca Lian Thang, pumpek in cachimh lohma a rak thok tu Sayamah Mah Tha (USA), Sayamah Ngun Men Tial le Saya Zung Lian, curriculum a kan tuah piak tu Pu Lian Ding Hmung le Pu Roy Peng Nawl cung ah le CCSA upa, nulepa nan dihlak cungah lunglomhnak a sang hringhran,” tiah an Facebook page ah thawng a thanh.

South Australia state khualipi Adelaide ah Chinmi 2,000 hrawng an um, tiah kan theih.

Victoria state cozah zong nih liamcia kum tlawmpal ahkhan Lai holh (Chin Hakha Language) cu phungning tein sianginn ah cawnnak nawl a rak pek cang hna.

Victoria state khualipi Melbourne ah Tang 11 le 12 nih cawn ding ‘Chin Hakha Textbooks for Year 11 & 12’ onnak puai zong an rak tuah.

Melbourne khuapi cu Australia ram chungah Chinmi tambik an umnak khua asi i 10,000 leng an um lai tiah zumh asi.

Kan pupa rohmi Chin state hmanh ah Tang 10 nih Lai ca/holh cawnnak nawl kan ngeih lo lio ah, hi bantukin Australia ram i Chinmi tamnak state pawl ah cawnnak nawl kan ngeih cu Australia cozah le mipi cungah lawmh a um tuk hringhran.

Myanmar cozah nih Chin miphun hrawhnak a rak tuahmi

Kawlram nih Mirang uknak in luatnak kan rak hmuh hlan chung vialte cu Chin state chung sianginn paoh ah ‘basic education’ cu Chin ca lawngte in cawn an rak si.

Nain, luatnak (independence) kan hmuh hnu in Prime Minister U Nu nih Chin state ah Chin holh in ca cawnnak nawl a phih i Chin ca/holh cu amah dang te lawngin cawn dingin nawl a rak chuah. Adang tlangcungmi holh Kachin, Karen, Mon, tbk., vialte zong.

Kum 1990 hnu cun Myanmar cozah nih Chin state chung sianginn vialte ah Chin ca/holh cawnnak nawl a kan phih thai.

Kum 60 hnu, nihin ah Chin state sianginn pawl ah Chin ca cawnnak tuah ṭhan dingin timhtuahnak cu a um len nain sianginn dihlak ah an cawng kho rih hlei lo.

Mah lio ah, hi bantukin Australia cozah nih fawi tein Chinmi tamnak paoh ah Chin ca/holh cawnnak nawl a kan pekmi hi cu a sunglawi tuk hringhran.

Adelaide Chin hruaitu hna (Chin Community, South Australia upa pawl)
- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -