15.6 C
Hakha
Sunday, April 18, 2021
- Advertisement -

Ṭial Tharmi

Chin nih ‘State le Region tennis tuk zuamnak’ ah pakhatnak laksawng 2 telh in laksawng 7 an ngah

2019 Kawlram pumpi state le region dihlak tennis tuk zuamnak ah Chin state team (pa single) nih a thiambik laksawng le laksawng phun 7 an ngah.

Zuamnak cu November 13 in 18 tiang Yangon khua um Thein Phyu Tennis Kun ah an tuah.

Pa team ahhin Rakhine state an i zuam khawh lo caah team 13 lawng an i zuam. Nu team ahcun Shan, Chin, Kachin, Mandalay, Yangon le Bagu lawng an i zuam kho.

Chin state in tennis tuk thiam an thimmi minung 9 an vai i zuam. Pa team ah Cung Lian Mang (Hakha), Sen Hlei Zul (Falam), Lung Tum Kheng (Hakha), Lal Nun Puia (Falam) le Lian Tin Sang (Hakha) an si.

Nu team ahcun Cing Tul Mang (Tedim), Cing Pum Huai (Tedim), Niang Khawm Kim (Tedim) le Kee Sian (Tedim) hna an si.

Pakhatnak laksawng sui tazeih 2, pahnihnak laksawng ngun tazeih 2 le pathumnak laksawng dar tazeih 3 (a dihlak 7) an ngah pinah, a thiambik laksawng zong an ngah.

Pa single i zuamnak ah Sen Hlei Zul nih pakhatnak laksawng sui tazeih le a thiambik laksawng (2019) a ngah, pa 2 zuamnak ah Cung Lian Mang le Lung Tum Kheng nih pakhatnak laksawng sui tazeih an ngah.

Nu le pa cawh i zuamnak ah Cung Lian Mang le Cing Tul Mang nih pahnihnak laksawng ngun tazeih an ngah. Pa a phuphu in zuamnak ah ngun tazeih, nu single ah Cing Pum Huai nih dar tazeih, nu 2 ah Niang Khawm Kim le Kee Sian nih dar tazeih le nu a phuphu zuamnak ah dar tazeih an ngah.

Men Single Champion le Best Player 2019 laksawng ngahtu Sen Hlei Zul nih, “Mandalay ah distance education ka kai lio si caah cinh caan ka ngei tuk lo. Ni 4 hrawng lawng ka tuk hnu ah zuamnak ah ka kal colh,” tiah a chim.

“Hakha tu ahcun ningchim Peter nih thla 1 chung hrawng a rak ka cinhpi. Tennis ka tuknak cu a sau tuk cang. 2012 in tennis ka tu peng cang.

“Tu kum cu Chin state zaanglek zung nih kum dang nak ṭha deuh in a kan bawmh. Mah ruang cun kanmah zong kan i lawm i laksawng tampi kan ngahnak asi tiin ka ruah. Nu team ahcun Mandalay le Yangon he i zuam a fawi lo,” tiah a chim.

Charhchan: Zalen

- Advertisement -

Ṭial Tharmi

Tuni ah ralkap nih minung 2 meithal in an kah hna

Tuni Zarhpini ah, Mandalay ramṭhen Myingyan khua ah tlangval pakhat cu ralhrang Myanmar ralkap nih meithal in an kah caah a nunnak caah thinphan...

Sihni Salai Dawt Cung Lian inn ah gas a puak i a nunnak liam

Sihni Salai Dawt Cung Lian cu an inn ah gas a puak i a nunnak liam tiah kan theih. An nih hi Mandalay ah ralkap...

Yangon ah bomb a puak i ralkap 3 hliam tong

Nizaan ahkhan Yangon ah bomb tam ngai a puak i ralhrang Myanmar ralkap a tlawmbik 3 paoh hliam an tong, tiah The Irrawaddy media...
- Advertisement -

Bill Gates nih ‘mah 3’ a thiammi hi cu hmailei ah rian tha an hmu kho lai ati

Vawlei cung mirumbik 4nak a simi Bill Gates cu hmailei kong lawngte ah a buai khim ko. Thil thar sertu le sipuaizi thlengtu pawl he...

Apoi tuk: Min Aung Hlaing cu ASEAN Meeting a kai lai

Uknak firtu Myanmar ralkap bawizik Min Aung Hlaing cu April 24 ah tuah ding ASEAN meeting ah an sawm ve caah Indonesia a tlawng...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -