15.3 C
Hakha
Thursday, April 22, 2021
- Advertisement -

Ṭial Tharmi

Chin pa, meithal in voi 4 a kaptu palek bawi chang cu fakpi in a theipar zunter ding asi: Chin state cozah

Chin state Tonzang pengah palek a ṭuanmi Thang Lian Pau, meithal in voi 4 a kaptu palek bawi chang Han Win Aung cu upadi ningin fakpi in azizut ding asi, tiah Chin state cozah biachimtu Sipin Vuanci nih a chim.

Sipin Vuanci U Soe Htet nih, “upadi ningin tuah a herh. Atu zong azi an zut ko cang lai. A kuttang minung hitin a tuah cu fakpi in azizut a hau,” tiah a chim.

Meithal kah a tongmi Thang Lian Pau nih Tonzang palek sakhan, state cozah, district palek zung, Hluttaw MP pawl le Zatlang Vuanci sinah report ca a pek hna.

December 14 ah Tonzang peng, Cikha-Zammi lamṭhen an phak lio ah palek bawi changtu Han Win Aung nih Thang Lian Pau cu 6mm meithal in voi 4 a kah nain a thi lo.

Aruang um lo piin a kah hi si. Thang Lian Pau nih a ṭih caah thing tangah a zaam i aa thup.

Palek bawi captain Aung Ko Ko nih, “ṭih hlah, keimah nih ṭavuan kan lakpiak lai,” ati hnu ah a rung chuak ṭhan.

Bia aa al balmi zong an si lo. Mah ni hi palek bawi chang Han Win Aung zuu a ri i a kahmi asi. Voi 4 a kah nain avoi 1nk cu saikal a khen, avoi 2nk le a donghnak cu vawlei a khen caah Thang Lian Pau a thih lonak hi asi.

“Aa ka kah hnu zongah Han Win Aung nih minung pakhat thah ahcun ting 100, 200 in nawl khawh asi. Atu ka kut cungah ting 20 a um aa ka ti,” tiin Thang Lian Pau nih media sinah a chim.

A kah lio ah mithmutu tehte palek 5 zong an um, tiah kan theih.

Charhchan: Zalen

- Advertisement -

Ṭial Tharmi

US Chin pa Za Uk Lian nih minung 1 a kah thah, 1 hliam

US ram, Pennsylvania state um Za Uk Lian nih Nithumni zingka dei hlan ah meithal in minung 1 a kah thah hnu ah amah...

CNF Sakhan umnak Thantlang peng khuate 6 cu ralkap nih lengchuah an khap hna

Chin Miphun Ralkap (CNF) headquarters Victoria Sakhan kalnak lam ah a ummi khuate 6 cu April 21 thokin uknak firtu Myanmar ralkap nih khuapi...

President Biden: US ah COVID-19 raikhamsi 200 million kan chunh cang hna

US President Joe Biden nih, "President ka ṭuan ni 100 chungah COVID-19 raikhamsi 200 million kan chunh hna lai ka rak timi cu kan...
- Advertisement -

Dr Sasa nih ASEAN sinah hitin ca a kuat

Caankarlak cozah NUG biachimtu le Ramdang he Rianṭuanṭinak Vuanci Dr. Sasa nih ASEAN sinah ca a kuat. April 24 ah ASEAN nih Myanmar kong Lakhruak...

ASEAN ram pawl nih Min Aung Hlaing meeting an sawmmi hi an let awk a si – HRW

A ra laimi Zarhteni (April 24) ah ASEAN ram pawl nih Indonesia ram ah Myanmar ram kong ceih dingin meeting tuah an tim i...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -