21.1 C
Hakha
Thursday, April 22, 2021
- Advertisement -

Ṭial Tharmi

Chin state cozah cu ‘tuu phaw aa khuhmi cenghngia’ tiin Kanpetlet MP nih phomh

Pengtlang budget pekmi aa khah lo ruangah Kanpetlet peng Chin state Hlutdaw MP U Kui Thang nih, “Chin state cozah cu tuu phaw aa khuhmi cenghnga bantuk na si…” tiin a phomh.

19nak Chin State Hlutdaw meeting ni 1nak September 25 ah 2019-2020 state Nahtahlah budget chapmi kong a hal pah hna in a phomh lawlaw hna hi si.

MP U Kui Thang nih, “Chin state budget phawt tikah pengtlang kip aa tluk tein phawt ding kan rak ti lio ahcun cozah nih ‘sisi’ an ti. Budget an phawt taktak tik ahcun an duhning poah in an phawt,” tiah a chim.

“Chim ahcun a ṭhatnak in an chim. Rianṭuan taktak tik le khuakhan taktak tik ahcun vuanci pawl an umnak pengtlang paoh budget tam deuh an pek hna.

“A ngaingai ahcun annih cu nulepa dirhmun ah a dirmi an si bantukin budget phawt tikah pengtlang kip aa zat tein phawt ding asi.

“Lamsul Zung hi tahchunnak pakhat ka chim. Adang zung pawl zong an tampi. Bia ka hal hna lio ah Bawi Jesuh bia in ka ti lawlaw hna,” tiah a chim.

2019-2020 Chin state Budget cu 19nak Hlutdaw meeting ah an fehter.

Mah budget ahcun; Hakha peng Lamsul Zung pakhat ca te lawngah 9,000 million kyats an pek. Falam peng ah 7,000 million kyats le Thantlang peng 5,000 million kyats an pek hna.

Mindat le Kanpetlet peng cu 2,000 million kyats le 2,100 million kyats lawng a kan pek, tiah MP U Kui Thang nih a chim. — Zalen

- Advertisement -

Ṭial Tharmi

US Chin pa Za Uk Lian nih minung 1 a kah thah, 1 hliam

US ram, Pennsylvania state um Za Uk Lian nih Nithumni zingka dei hlan ah meithal in minung 1 a kah thah hnu ah amah...

CNF Sakhan umnak Thantlang peng khuate 6 cu ralkap nih lengchuah an khap hna

Chin Miphun Ralkap (CNF) headquarters Victoria Sakhan kalnak lam ah a ummi khuate 6 cu April 21 thokin uknak firtu Myanmar ralkap nih khuapi...

President Biden: US ah COVID-19 raikhamsi 200 million kan chunh cang hna

US President Joe Biden nih, "President ka ṭuan ni 100 chungah COVID-19 raikhamsi 200 million kan chunh hna lai ka rak timi cu kan...
- Advertisement -

Dr Sasa nih ASEAN sinah hitin ca a kuat

Caankarlak cozah NUG biachimtu le Ramdang he Rianṭuanṭinak Vuanci Dr. Sasa nih ASEAN sinah ca a kuat. April 24 ah ASEAN nih Myanmar kong Lakhruak...

ASEAN ram pawl nih Min Aung Hlaing meeting an sawmmi hi an let awk a si – HRW

A ra laimi Zarhteni (April 24) ah ASEAN ram pawl nih Indonesia ram ah Myanmar ram kong ceih dingin meeting tuah an tim i...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -