21.3 C
Hakha
Thursday, April 15, 2021
- Advertisement -

Ṭial Tharmi

Chin state cozah nih ‘naupawi le kum 2 tang ngakchia bawmhnak’ hmanh tling tein an pe hna lo

Tonzang peng Sialthawngzang khuate ah naupawi le kum 2 tang ngakchia bawmhnak cu thla 7 ca tling tein an pe hna lo, tiah bawmhnak thawngthanhtu nih a chim.

Chin state chung i naupawi le kum 2 tang ngakchia hna cu thla 1 ah bawmhnak tangka thong 15 peng pek ding an si.

Khuate thawngthanhtu Daw Sangte nih, “mah bawmhnak hi khuabawi le cazi nih an pek hna. Ca chung ahcun thla 2 caah minung 1 thong 30 tiin an ttial nain thong 20 lawng an pek hna,” tiah a chim.

“Tling loin an pek hna hi a tam tuk cang. Penguk zungah thawng kan thanh zong a tam tuk cang. Penguk zung nih an rak check nain zei hmanh a theipar an chuahpi lo.

“2019 September 5 ah June le July thla ca an pek hna. Ngakchia 2 cu July thla ah kum 2 a tling ding an si. Khuabawi nih ‘kum 2 an tling cang i kan pe kho hna lo’ a ti i a pe hna lo. Penguk zung kan chimh tikah ‘anmah 2 ca zongah tangka kan chuahpiak ko hna, vai lak ko hna seh’ an ti nain khuabawi nih a pe duh hna lo,” tiah a chim.

Sialthawngzang khua ahhin naupawi le kum 2 tang ngakchia 40 hrawng an um. 2017 October 22 ah May le June thla 2 caah minung 1 thong 30 cio ngah ding an si nain thong 20 cio lawng an pek hna.

2018 January 9 ah July, August, September le October tiah thla 4 ca thong 60 cio ngah ding an si nain thong 30 lawng an pek hna.

2018 November 7 ah thong 30 cio pek ding an si nain thong 20 cio lawng an pek hna.

Mah kong he pehtlai in Sialthawngzang khuabawi U Kham Khen kan hal i, “tling tein an ngah dih ko, zeihmanh buainak um lo,” tiah a chim.

Chin state Zatlang Zohkhenhnak Zung bawi U Aye Min Nyunt nih, “2017 le 2018 kum ah a cangmi cu tangka ngah tthan dingin tuahpiak awk an ttha ti lo. Mah tangka kha cu a dihlak in kan ap dih cang cu awh. Bawmhnak tangka an hlam lomi cu kan ap i hnu bawmhnak caah kan hman,” tiah a chim.

“2019 ah a cangmi cu kan check tthan lai i an ngahnak dingin tuahpiak khawh an si. Penguk zung zong thawng ka thanh hna lai,” tiah a chimchap. — Zalen

Sifah le vitamin bau ruangah Kawlram ah ngakchia a thimi le a tthang kho lomi an tam tuk ruangah World Bank bawmhnak tangka in naupawi le kum 2 tang ngakchia tangka an bawmh hna hi si. Mah hna Chin state cozah rianttuan pawl nih tling tein an pek bal hna lomi hi cu fihnung taktak asi. Anmah tangka zong si lo.

U Aye Min Nyunt biachim zong hi fihnung taktak asi. ‘Tangka an hlam lo’ tiah lih hrokhrawl in aa silhnalh. Tangka an hlam ko, cozah rianttuan nih tling tein an pek duh hna lomi (an i fir, an i hlepmi) si. A biachim hi amah zong fir ve sehlaw a lo.

Ziah 2017 in atutiang khaubawi le cazi nih tangka an fir (an i hlep) pengmi cu penguk zung nih ‘eihmuar case’ in taza an cuai hna lo? Cozah rianttuan a hme bikin a ngan bik tiang lih lawngte in rian an ttuan. A firmi zong ‘eihmuar case’ in tazacuai duh loin humzual. Mipi sunghnak lawngtein rianttuan peng.

Chin mipi hrim hi kan ralchia tuk. Hi bantuk mi hrokhrawl cozah rianttuan pawl cu ttha tein tehte khomh in biaceihzung ah tazacuai peng hna ding an si. Chin state peng kip ah mipi nih ‘zatlang bu (CSO)’ dirh in cozah rianttuan a hrokrawlmi paoh cu zatlang bu nih tazacuai peng hna ding an si.

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -