28.3 C
Hakha
Friday, May 7, 2021
- Advertisement -

Ṭial Tharmi

Chin State Vuancichoh hlun Pu Hung Ngai MP aa Cuh Ṭhan Lai

President Pu Thein Sein acozah chan ah Chin State Cozah hruaitu Chief Minister a ṭuanmi Pu Hung Ngai cu a ra laimi November 8 thimnak ah MP aa cuh lai, tiah USDP Chin State hruaitu Pu Cung Bik nih a chim.

“Party member pawl nih i cuh seh ti an duh caah amah zong cuh dingin aa tim cang. Nain khuazei mekuang ah dah aa cuh lai ti balte chim khawh asi rih lo.”

“Central USDP EC nih a fehter hnu lawngah aa cuhnak ding mekuang cu hngalh asi te lai.”

“A fiangmi tu cu amah umnak Mindat pengah aa cuh lai. Central USDP EC fehternak zong cu July 20 ahcun a fiang dih lai.”

“Kanmah pengtlang le State party hruaitu pawl nih anih hi cuka ah i cuh seh tiin kan thimmi pawl cu Central USDP EC ah kan kuat lai. Anmah nih an fehter hnu ah mipi sinah thawng kan thanhte lai,” tiah a chim.

Pu Hung Ngai cu 2010 Rampumpi Cozah Thimnak ah Mindat peng State Hluttaw No.1 MP aa cuh i a ngah caah 2011 in 2016 tiang Chin State Cozah hruaitu a ṭuanmi si.

Pu Hung Ngai hi hlan ahcun Myanmar ralkap a rak ṭuan i ralbawi Buhmuchoh (Duhṭainghmu) rank tiang a rak phanmi asi.

Ralkap nih ram an uk lio 2007 in 2011 tiang Chin State Daihnak le Ṭhanchonak Council ah Chairman a rak ṭuan.

2015 Rampumpi Cozah Thimnak ah Mindat peng State Hluttaw No.2 MP aa cuh nain NLD in aa cuhmi Pu Taik Thang (atu lio Chin State Hluttaw hruaitu chang) nih a rak tei.

Charhchan: Chin World

- Advertisement -

Ṭial Tharmi

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...
- Advertisement -

CDF nih CDM tuah lomi sianginn saya/ma pawl ralrin a pek hna

Chinram Runvennak Ralkap (Chinland Defense Force - CDF) nih CDM a tuah lomi le sianginn kai dingin forhfialtu saya/ma pawl cu fak piin ralrin...

Thawngṭha: US President Biden nih 2021 ah refugee 62,500 a lak hna lai

US President Joe Biden nih, "2021 Budget Kum chungah US nih ralzaam 62,500 kan lak hna lai," tiah May 3 ah bia a chah. President...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -