Chinland FC nih 𝗖𝗵𝗶𝗻𝗹𝗮𝗻𝗱 𝗳𝗼𝗿 𝗣𝗮𝗹𝗲𝘁𝘄𝗮 program in Yangon Region, Hmawbi khua ah a ummi Paletwa peng ralzaam pawl sinah bawmhnak a pek hna.
July 3, zinglei ah Chinland FC nih bawmhnak a pek hna hi a si i ralzaam pawl ca ah a biapibik simi facang tun (70), chiti, piat, hand sanitizer dur (35), sianginn kainak cauk dozen (56), longyi (35), hni (35), bawlpen, khedan le sianginn hma awk thilri pawl an va bawmh hna.
Chinland FC nih Hmawbi khua um Paletwa peng ralzaam sin bawmhnak a pek hi atu hi avoi 1nk a si. Atu bawmhnak a pekmi hi Kyats ting 20 man a si.
Chinland for Paletwa program in hmailei zong ah ralzaam bawmhnak tuah an timh rih.
“Hi program ah aa tel ve mi ramchung, ramleng in mi bawmtu nan dihlak cungah kan i lawm tuk,” tiah Chinland FC nih a ti.
May thla thok ka ahkhan Chinland FC President NC Thawng Tha Thang nih Chinland for Paletwa bawmhchanhnak program ah i tel cio ding in sawmnak a tuah. – Chinland FC
