16.4 C
Hakha
Thursday, April 15, 2021
- Advertisement -

Ṭial Tharmi

Chinmi 3 a hlengtu nuva tazacuai an tong

Kalaymyo, Myo Hlah sang ah a ummi Lal Ram Lian le a nupi Biak Rem Sung cu Falam peng, Thlanrawn khuate ah an kal i khuami pawl cu Tuluk ram ah rianttuan dingin kan in kuat hna lai. Minung pakhat ah Kyats ting 1 le cheu a dih lai i, Tuluk ram rian nan ttuah tikah thla 1 ah Yuan 4,000 nan hmu lai tiin sawmnak bia an chimh hna.

Nain, Lal Ram Lian le Biak Rem Sung cu ramdang ah phungning tein rianttuantu kuatnak license ngeimi an si lo.

Mah ahcun Thlanrawn khuami Pa Ngun Nei Thang, Falam khuami Pa Thian Nei Bawi le Pa Tluang No Zul nih Kyats ting 1 le cheu cio cu Lal Ram Lian le a nupi sin ah an pek.

Lal Ram Lian le a nupi nih Ngun Nei Thang, Thian Nei Bawi le Tluang No Zul cu Muse tiang an thlah hna. Tuluk ram ah ni 7 um khawhnak ticket an tuahpiak hna hnu ah Tuluk ram ah an kuat hna.

Nain, Tuluk ram i an ttuanmi rian cu phungninglo rian a si ruangah tlamtling in an ttuan kho lo. Cucaah, Kawlram ah an rak kir tthan i Tuluk ram ah a kuatu nuva hna cu Falam palek sakhan ah an report hna.

“Ramdang ah rianttuantu kuatnak license ngei lomi Lal Ram Lian le a nupi Biak Rem Sung cu upadi ning in taza kan cuai hna nain an zaam,” tiah Falam khua palek pakhat nih a chim.

“Puaisa nuva hna cu tlaih dingin an inn ah kan kal hnawh hna nain an rak um lo. An nulepa le sang bawi kan ton hna i tazacuai mi kong cu kan chimh hna.”

“Myanmar Rianttuannak Vuanci Zung nih Kawlram mi pawl cu Tuluk ram ah rianttuan ruah ah siseh, mibawmh ruah ah siseh kalnak nawl a pek hna lo. Cu ruangah, Tuluk ram ah rianttuan dingin kal awk a si lo,” tiah a chimchap.

Myanmar cozah nih atu lio cun Singapore, Japan, Korea, Thailand le Malaysia ram pawl lawng ah a rammi cu rianttuan dingin a thlah hna. – Khonumthung

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -