Chin Human Rights Organization (CHRO) nih Chinram khualipi hmun 9 ah office a hun khawh cang ti thawng kan theih. Cu kongah Salai Bawi Lian Mang nih a tanglei bantuk in a Facebook cahmai ah a ttial.
Salai Bawi Lian Mang: Thla nan kan cam piaknak le nan kan dirkamhnak thawng in CHRO nih Chinram khualipi hmunkua ah office kan hun khawh cang.
A luancia kum hnih chung ah Chinram chak lei Tonzang, Tedim, Falam, Hakha le Thantlang peng in Mino 900 renglo kutzung thiamnak le pawcawmnak rian kan chimh hna i mah chung in mino 700 renglo cu a tu ah rian an tlai i an mah te in nihlawh a hmu kho mi an si cang.
Tu kum August thla thok in Chinram thlanglei a si mi Matupi, Mindat, Kanpetlet le Paletwa khua hna ah office kan hun khawh cang.
Kan rianttuannak hlawhtling a si khawhnak lai nanmah ttanpinak le thlacam bawmhnak kan herh. Rian ka ttuannak a hmun ah biatak te in a cawlcang mi le kan rianttuan tti hawi hna cu mino le Nubu pawl deuh an si hna.
A tanglei pawl hi CHRO office pawl an si;
- Tedim Youth Fellowship from Tedim
- Falam Mino Pawlkom from Falam
- Thantlang Youth Association from Thantlang
- Chin Christian University and Government Technological Institute (GTI) from Hakha
- Chin Youth Organization from Matupi
- K’cho Chin Women Organization from Mindat
- Chin Women Development Organization from Kanpetlet
- Khumi Youth Association from Paletwa
