Hakha peng, Chuncung khua ah September 11 zaan sml 8:30 hrawng ah inn pakhat a kang i pa pakhat a nunnak liam tiah kan theih.
Inn chung thilri zeihmanh chuah manh loin mei nih ciam lakin a kangh dih.
A kaangmi hi Pu Lian Hram inn si i dot 2 a si. Inn cu a dot 2 ning in mi an hlat hna i a cunglei dot ah a ummi Pu Hup (Hup Tu) cu mei kanghnak in a nunnak liam tiah khuami nih an chim.
Inntang ah nu pakhat zong a um i anih tu cu him tein a um ko tiah kan theih.
Chuncung khua cu Hakha le Falam kar ah a ummi a si.
Hakha lei in meithat an ra nain meithat motor a phak ahcun khuami nih mei kaang cu an hmih khawh cang tiah kan theih.
Khuami nih an chim ning ah mei kaang hi Pu Hup a ihnak khan phazawngdan mei vannak in aa thokmi a si an ti.
A thimi Pu Hup cu kum 60 hrawng a si.
