21.3 C
Hakha
Thursday, April 15, 2021
- Advertisement -

Ṭial Tharmi

CNF nih AA cu Chin State in Chuak Dingin Ralrin a Pek

Chin state, Paletwa pengah hmun khuar in ral a tumi Rakhine Ralkap (AA) cu Chin state in chuak dingin Chin Miphun Ralkap (CNF) nih ralrin a pek.

July 7 in 15 tiang CNF hmunpi Victoria Sakhan ah Avoi 2nk Bahu Rianṭuantu Committee meṭing an tuah i atu bantukin CNF nih AA ralrin a pek hi si.

CNF biachimtu Salai Htet Ni nih, “AA tuk dingin Myanmar cozah ralkap le CNF i bawmh dingin ceihkhanmi cu zeihmanh a um lo. AA hi Paletwa pengin chuak sehlaw anmah 2 kar ral a dong ko lai, mah cu a biapi bikmi si,” tiah a chim.

Zarh 1 chung CNF meṭing ahcun atu lio remdaih biaruahnak dirhmun kong, Paletwa peng le Rakhine state um Chin ralzaam pawl bawmhnak kong le Paletwa pengah AA le cozah ralkap i kahnak kong pawl an ceih.

Chin mipi he i bawm in ral ruangah hartongmi kan unau pawl bawmhnak kong le Chin vawlei a simi Paletwa pengah AA um kho lo dingin rianṭuannak kong zong an ceih.

Salai Htet Ni nih, “Cozah nih CNF ralkap hi Paletwa pengah umnak nawl a kan pe lo. Rak kan pe sehlaw atu dirhmun chia tiangtiang hi a chuak lai lo ti kan zumh. Atu cu a chuah cang caah AA hi Paletwa pengah um kho lo dingin CNF nih nilan ṭha bik kawl in tuah a hau cang,” tiah a chim.

AA ralbawi Tun Myat Naing nih CCN interview lio ah, “Rakhine state lawngin ral tuk khawh asi lo. Thihnak nunnak asi caah kan duh/lo zongah Paletwa pengah kan luhmi asi. Anmah ram kanmah ram kan ti ko nain Chin le Rakhine cu aa rimi si caah hrial khawh asi lo. Mah ruangah Paletwa pengah kan um pengmi hi si,” tiah a chim.

CNF Chairman Pu Zing Cung zong nih, “AA nih Chin vawlei ah ral a tukmi kong he pehtlai in ralrin kan pekmi hi a ngaih lo ahcun kan doh dawi lai” ati tiin January 26 ah thawngpang a rak thangmi kong cu Salai Htet Ni nih hitin a fianter.

Salai Htet Ni nih, “a cian ni in ralkap thazaang in maw kan phisin lai asiloah ramkhel in dah kan phisin lai ti cu kan chim kho lo. Kan state ah AA um kho lo dingin kan doh dawi lai kan ti tikah ralkap thazaang zongin asi kho i ramkhel biaruahnak zongin asi kho. Phun tampi in chim khawh asi,” tiah a chim.

“2016 ah CNF nih AA hruaitu pawl kan ton hna i Chin state ah ral tu hlah kan rak ti nain AA nih a duh lo caah atu cu AA ton kan tim ti lo,” ati.

Kaladan tiva thluangthluan ah Myanmar cozah ralkap nih hmunhma a lak i Paletwa peng Miwa khuate pawngah AA he an i kap peng. — Irrawaddy

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -