UFC fighter Conor McGregor cu Republic of Ireland ram, Dublin peng ah a ummi zuu dawr ah mipa pakhat a rak thongh ruangah tazacuai a tong i, tu zingka ahkhan Dublin khuapi um Criminal Courts of Justice (biaceih zung) a phan.
McGregor cu April 6, 2019 ahkhan Dublin peng, Drimnagh khua um Marble Arch zuu dawr ah amah min in sermi whisky zuu a cawngia lio ah atu bantuk in mi a thongh hi a si.
McGregor nih zuu dawr ah mipa a thongh lio CCTV video cu August thla ah a hung chuak.
McGregor taza an cuainak upadi hi £1,330 dantat silole a saubik thla 6 thongthlak silole apahnih ning in dantat khawhnak a si.
Mah konghe pehtlai in, McGregor nih “zeithil paoh tlung aikun, ka inn ko lai. Zeithil ka ton zongah ton phu ka si ko. Hmaitonh tein ka inn ko lai, ka thuh tak lai lo” a rak ti.
March thla ahkhan MMA in kaa din cang lai tiah thawng a rak thanh nain hnu ah ka thawngthanhmi cu ka let tthan te men lai tiphun in a chim tthan. – The Sun
