28.2 C
Hakha
Friday, April 23, 2021
- Advertisement -

Ṭial Tharmi

David Lai nih Pumpak in Mindat Sizung ah Bawmhnak a Pek Hna

David Lai nih ral ruangah Mindat Sizung ah aa thlopmi hliam tong ralzaam hna cu tu zingka ah pumpak in a va ton hna i bawmhnak a pek hna, tiah kan theih.

March 14 ah Kawl Ralkap nih Chin khuate ah bomb a thlak ruangah Chinmi 11 an thi i adang 8 hliam an tong. Hliam tongmi pawl cu Mindat Sizung ah an i thlop.

David Lai nih, “atu lio ral ruangah hliam tongmi mipi cheukhat cu Mindat Sizung ah an i thlop. Ka sin um tangka tlawmpal ka pek hna nain, tangka bawmhnak an herh tuk rih hringhran,” tiah sizung ah thil sining a hmuhmi kong a chim.

Mindat Sizung ah aa thlopmi hliam tong kan unau – By David Lai

David Lai cu semnak Lairam ral ruangah hliam tongmi le ralzaam hna pumpak in bawmhnak le thazaang pe dingin Yangon in aa thawh.

Rev. Uk Ling Thang le Paletwa peng MP Myo Hteik nih an zulh i nizaan ah Mindat an phan.

Tuni hi Sami khua lei ah an kal lio asi. Sami khua ah ralzaam 2,000 hrawng an um. Thaizing hi Matupi Sizung ah aa thlopmi ralzaam pawl bawmhnak le thazaang a va pek rih hna lai.

Mindat ah Yaw Kee nih a don hna lio – By David Lai

David Lai nih, “April 9 ah Yangon in kan i thawh. Paletwa peng ralzaam hna nih ka ruahnak lengpi in bawmhnak an rak herhmi ka hmuh tikah, bawmhnak tam deuh rak hmuhpiak hna ning law ṭha tuk hnga ti lawngte ka ruat,” tiah The Chin Express ah a chim.

“Liamcia zarh 2 chung ahkhan, MP Stephen Myo Hteik le Suzan bawmhnak in ting 45 man sii ka cawk khawh.

“Tangka a taangmi cu bawmtu committee sinah ka pek lai,” ati.

Ral ruangah hliam tong le ralzaam kan unau bawmhnak le thazaang pe dingin semnak Lairam lei a kal lio – by David Lai

David Lai cu Paletwa peng kan unau hna tuarnak kong a rel i hmanthlak a hmuh lengmang tikah a siaherh tuk i, guitar i put in Yangon lamkam ah hlasa in bawmh a halpiak hna. Bawmhnak tangka ting 100 leng a hmuhpiak hna i amah pumpak in a va pek hna hi si.

“Keimah sinah Paletwa ralzaam bawmhnak a petu dihlak cungah kaa lawm tuk,” tiah The Chin Express sin in lunglawmhnak a langhter.

- Advertisement -

Ṭial Tharmi

NUG cozah nih ‘Min Aung Hlaing kan tlaihpiak uh’ tiin INTERPOL sinah ca kuat

Rammi Lungrualnak Cozah (National Unity Government - NUG) nih, "Uknak firtu ralkap bawizik Min Aung Hlaing cu Indonesia ram ah ASEAN meeting kai dingin...

Myanmar ralkap nih NUG cozah hruaitu vialte ‘ram rawitu’ an si tiin tazacuai

Uknak firtu Myanmar ralkap TV Myawaddy nih, "Rammi Lungrualnak Cozah (NUG) hruaitu vialte cu ram rawitu an si caah tazacuai dih an si cang,"...

Myanmar kong ASEAN meeting ah Philippines President le Thailand PM an kai lai lo

A ra laimi Zarhteni hi Indonesia khualipi Jakarta ah ASEAN ram 10 nih Myanmar buainak kong lakhruak meeting an tuah lai. Sinain, ASEAN chungtel a...
- Advertisement -

ချင်းအမျိုးသားတပ်ဉီးအကြောင်း

နိဒါန်း ချင်းလူမျိုးတို့သည် မွန်ဂိုလွိုက်အနွယ်ဝင်များဖြစ်ကြပြီး တရုတ်ပြည်အလယ်ပိုင်းမှ ဆင်းသက်လာကြသူများ ဖြစ်ကြသည်။ တရုတ် ပြည်အလယ်ပိုင်းမှ တောင်ပိုင်းသို့ တဖြည်းဖြည်းဆင်းလာကြပြီး အေဒီ (၉) ရာစု မတိုင်မှီအချိန်တွင် ချင်းတွင်းနှင့် ဧရာဝတီမြစ်ဆုံဒေသ သို့ ရောက်ရှိအခြေချနေထိုင်လာခဲ့ကြသည်။ အေဒီ (၁ဝဝဝ) ပတ်ဝန်းကျင်ခန့်တွင် ချင်းလဲန်သို့ စတင်ဝင်ရောက်အခြေချ နေထိုင်လာ ခဲ့ကြသည်ဟု...

US Chin pa Za Uk Lian nih minung 1 a kah thah, 1 hliam

US ram, Pennsylvania state um Za Uk Lian nih Nithumni zingka dei hlan ah meithal in minung 1 a kah thah hnu ah amah...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -