15.3 C
Hakha
Thursday, April 22, 2021
- Advertisement -

Ṭial Tharmi

Esther Dawt Chin Sung: Ka sung lai ti phan in ka ttahmi si lo

Esther Dawt Chin Sung nih Myanmar Idol season 4 round 2 ah a ttahnak aruang cu atanglei bangin a fianter.

Esther Dawt Chin Sung: Thazaang nan ka pekmi le ruahnak nan ka cheuhmi ka hmuh tikah; zei dah kaa remh a hau, zei bantuk lungput dah ka ngeih herh, lungneem peng awk a ṭha lo ti kai fiang cang.

Kan group ah kai tel ti lai lo ti ka phan caah ka ṭahmi si lo, Pathian nih a hngalh ko. TV an thlah hlan ah video an edit dih caah [thil sining tling tein nan hmu lo i si].

Saya Aung Ko Latt nih kan 4 in a kan auh i “nan group in minung pakhat lawng a kai lai” a kan ti. Mah hnu ah keimah kha hnulei aa ka thawntermi si. Mah kha TV ah an langhter lo. Cucaah hnulei aa ka thawnter lio ahhin 70% hrawng cu aphi [keimah ka kai lai] ti ka hngalh cang.

Group dihlak ah kanmah le sining cio in harnak kan ngei cio hna. Hla kan i thim ni ah kan cawng hna, i a thaizing ah i zuam asi. Caan kan ngeihchun te ahcun zeitin dah creation & performance kan tuah lai ti ruat in kan cinh. Zuamnak sikan bangin, minung pakhat lawng thiam a ngah lo. Abik in team work kha an zohmi si caah kan dihlak i bawm in i zuam zarh asi.

Mah bantukin kanmah group ahhin, kan i zuam hlan tein a ngandam lo caah siikhan aa va piahmi zong an um. Midang hla an cawn lio ah ‘a sinpi hnga maw, a zaw tuk sualte hnga maw’ tiin thintur ngai in kan hngah. Nain kan unau 4 ningin zuamnak minutes 3 caah kan ngeihchun caan te ahcun biatak tein kan cinh hna.

Cucaah, kan dihlak lungrual tein kan tuahmi, kan retheih aa khat dihmi si caah keimah kai tel lo zongah, aho an kai paoh ah kan group in a tlintlakmi 2 tal cu kai kho hna seh ti ka duh. Aruang cu kan group kan i zuam ning cu keimah hi a thei bikmi ka si. Kan group hlasa pawl hi chungkhar unau bantukin ka ruah dih hna, zaan khuadei biatak tein kan cinh hnu ah keimah lawng ka kai caah ka ngaihchia tuk i ka ṭahmi si.

Sinain, tu hnu cu ka si khawh chungin ka thinlung ṭhing ka zuam cang lai. Keimah hi ka mitthli tlak a fawi, nain a thachiat fawimi ka si lo. Kaa tinhmi lei ah pehzulh in ka kal ko lai. An ka ruahpalh ti phun in ka chimmi si lo. Kei zong TV lawng in a zohmi si ve ning law siarem loin ka chim ve sual ko hnga.

Tu hnu cu ralring deuh in ka um cang lai. Pehzulh in lam ka hmuhsak rih uh, ka cawnpiak rih uh, nan ka chimh ahcun an ka dawt caah si tiin ka ruah ko. Nan ka dawt i nan ka ṭanpi caah kaa lawm.

EstherDCS (Sung Sung)

- Advertisement -

Ṭial Tharmi

US Chin pa Za Uk Lian nih minung 1 a kah thah, 1 hliam

US ram, Pennsylvania state um Za Uk Lian nih Nithumni zingka dei hlan ah meithal in minung 1 a kah thah hnu ah amah...

CNF Sakhan umnak Thantlang peng khuate 6 cu ralkap nih lengchuah an khap hna

Chin Miphun Ralkap (CNF) headquarters Victoria Sakhan kalnak lam ah a ummi khuate 6 cu April 21 thokin uknak firtu Myanmar ralkap nih khuapi...

President Biden: US ah COVID-19 raikhamsi 200 million kan chunh cang hna

US President Joe Biden nih, "President ka ṭuan ni 100 chungah COVID-19 raikhamsi 200 million kan chunh hna lai ka rak timi cu kan...
- Advertisement -

Dr Sasa nih ASEAN sinah hitin ca a kuat

Caankarlak cozah NUG biachimtu le Ramdang he Rianṭuanṭinak Vuanci Dr. Sasa nih ASEAN sinah ca a kuat. April 24 ah ASEAN nih Myanmar kong Lakhruak...

ASEAN ram pawl nih Min Aung Hlaing meeting an sawmmi hi an let awk a si – HRW

A ra laimi Zarhteni (April 24) ah ASEAN ram pawl nih Indonesia ram ah Myanmar ram kong ceih dingin meeting tuah an tim i...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -