14.7 C
Hakha
Saturday, May 8, 2021
- Advertisement -

Ṭial Tharmi

Falam pengah Chin ralkap ‘CNDF’ an dirhmi hi mipi caah a tha maw?

Falam peng, Kalay-Kabaw le ramkip um Chin miphun nih kan ceih hnu April 13 ah Chin Miphun Runvennak Ralkap (Chin National Defence Force – CNDF) kan dirh, tiah thawng an thanh.

Hriamnam lawngin si loin ramkhel lei zongin cawlcanghnak caah Chin Miphun Bu (Chin National Organization – CNO) zong kan dirh chih, an ti.

CNDF/CNO he cun Chin ralkap phu 4:

  1. Chin Miphun Ralkap (Chin National Front/Army – CNF/A)
  2. Zomi Dothlennak Ralkap (Zomi Revolution Army/Organization – ZRA/O)
  3. Kuki Miphun Ralkap (Kuki National Army/Organizatin – KNA/O) le
  4. atu an dirhmi Chin Miphun Runvennak Ralkap (CNDF) bak an um cang.

CNDF hi Chin mipi himnak petu maw asiloah fahnak petu dah?

Kan theih dih bantukin, Chin ralkap phu vialte lakah CNF/A lawng hi Chin miphun dihlak huap in democratic federal ram ngahnak caah Myanmar cozah a tong khomi, ramdang cozah palai le UN he zong rian a ṭuan khomi si.

Adang pawl hi cu ramtang ah an vak sawhsawh i a caancaan ah anmah soiseltu an miphun lila an tlaih thah hna. Hiti ning cun vawlei caan dongh tiang hmanh um hna sehlaw federal democracy ram ngahnak caah zeihmanh an tuah kho lai lo. Ramtang ah an vahmi le a caancaan ah ralkap an kahmi nih federal ram a kan ngahter lai lo. Mipi lehlam harnak an kan pek.

CNF hi ramkhel lei a ti kho ngai nain ralkap thazaang a der tuk. Thantlang peng lawngah a um (Matupi le Tedim peng ah tlawmte an um ve) i Falam peng le Kalay-Kabaw hna ah a um ve lo tikah hika hmun ah CNDF an dirhmi hi an mawh lo.

Nain, CNDF hi Falam mipi dihlak le Kalay-Kabaw Chinmi dihlak nih an cohlanmi le tangka an bawmhmi asi lo ahcun rian a ṭuan kho lai lo i Chin miphun lungrual lonak chuahtertu menmen asi lai. Mah pinah, ralkap a kah ahcun a tei fawn ṭung lai lo i ralkap nih Falam peng le Kalay-Kabaw Chinmi thong tampi harnak an kan pek dih lai caah Chin mipi caah fahnak petu asi lai.

CNF cu ramchung ramleng Hakha/Thantlang/Matupi dihlak nih tangka le thinlung in dirpi dihmi asi. Falam mipi cheukhat le thlanglei Chinmi zong nih tha an pekmi si.

Mah duh ahcun, CNDF hi CNF ah i fonh sehlaw CNF zong a tha ṭhawn deuh lai pinah CNDF zong a ṭhawng deuh lai. Lutlai si an duh ahcun CNF ah Vice Chairman hmunhma zong pek ding asi ko. Cun, Falam peng le Kalay-Kabaw CNDF ralkap cu CNDF hruaitu nih an hruai (Command) ṭhiam ko lai. Ramchung ramleng Chinmi vialte lungrualnak le Chinmi himnak zong asi deuh lai.

Kalay-Kabaw le Chin state mipi dihlak fonh ah ting 8 hrawng lawng kan si. Hitin kan i ṭhen dih ahcun kanmah tein thazaang kan i derter, hri kan i awk asi. Miphun kan i lungrual lomi le ṭhencheumi hi ralkap duhnak kan tuah, ralkap kan bawmh zong asi. Kan i funtom lawngah kan ṭhawng lai.

- Advertisement -

Ṭial Tharmi

CDF-Hakha nih Surkhua Palik Sakhan an lak, hriamnam zong an lak

Chinram Vengtu Ralkap (CDF) Hakha nih May 8 chun 11:30am hrawngah Surkhua palik sakhan an lak i hriamnam zong an lak. Sakhan cu an...

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...
- Advertisement -

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...

CDF nih CDM tuah lomi sianginn saya/ma pawl ralrin a pek hna

Chinram Runvennak Ralkap (Chinland Defense Force - CDF) nih CDM a tuah lomi le sianginn kai dingin forhfialtu saya/ma pawl cu fak piin ralrin...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -