20.2 C
Hakha
Sunday, May 9, 2021
- Advertisement -

Ṭial Tharmi

Bawi Thiang Bik, Sui Hlawn Rem le Emily Ngunhlei Sung nih CSO caah concert an tuah lai

Atu lio Chin gospel singer lakah a lar bikmi Sui Hlawn Rem, Bawi Thiang Bik, Emily Ngunhlei Sung le Dawt Hlei Tlem cu Malaysia cozah sianginn a kai kho lomi Chin ralzaam ngakchia hna ca an cawnnak CSO sianginn caah fund kawlnak concert ah hlasak an sawm hna.

CSO sayaci Tawk Lian Sang nih, “Malaysia cozah sianginn a kai kho lomi kan fale hna fimcawnnak caah hi bantukin zaanghleicawi dingin an lungtlinmi cu kan i lawm tuk hringhran, Pathian tu nih let tampi in thluachuah pe ko hna seh,” tiah a chim.

Concert cu November thla ah, Kuala Lumpur um Sungwei Wang shopping mall pawng i Lot 10 a cung bik dot ah sunglawi taktak in an tuah lai.

Malaysia ram ah sianginn kai kho loin a vaimi Chin ralzaam ngakchia hna fimcawnnak caah tiin Chin Student Organization (CSO) a rak dirhtu pawl biatawi chimnak le CSO ngakchia pawl biatawi chimnak zong a um lai, Malaysia kan dirhmun kong drama piahnak zong um lai.

Ticket cu minung 1 RM30 lawng asi lai. Concert in hmuhmi tangka paoh cu Chin ralzaam ngakchia hna fim an cawnnak CSO caah hman dih asi lai.

Concert ticket cawk in Chin ralzaam ngakchia fimcawnnak bawm cio hna usih.

Concert tuahnak ding hmun hi Malaysia Tuluk Khrihfa pawl nih an hlanhmi hna asi.

Chin khrihfa hna ttha tein ruat tthan hmanh usih, Malaysia khrihfa pawl nih kan fale fimcawnnak caah an cheuhra cheukhat in a kan bawmh peng nain a zat lo caah fund kawlnak concert hmun tiang a kan hlanh.

Mah lio ah, kannih Chin khrihfa hna kan fale fimcawnnak caah zei tal kan tuah ve lai lo maw?

Kan awṭha 3 bantukin pumpak le khrihfabu nih miphun dawtnak ngei cio usih law zei tluk in dah a ṭhat hnga.

Concert tuah ni thla le ticket cawknak kong cu hnu deuh ah kan rak thanh tthan te lai.

A thiamnak le a caan pek tiangin miphun a dawtu kan awṭha 3 Malaysia an phak cangka in biaruahnak zong kan ngeih te hna lai. Pathian nih let tampi in cawisang chin ko hna seh.

Chin Student Organization (CSO) – Puchong sianginn

- Advertisement -

Ṭial Tharmi

CDF-Hakha nih Surkhua Palik Sakhan an lak, hriamnam zong an lak

Chinram Vengtu Ralkap (CDF) Hakha nih May 8 chun 11:30am hrawngah Surkhua palik sakhan an lak i hriamnam zong an lak. Sakhan cu an...

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...
- Advertisement -

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...

CDF nih CDM tuah lomi sianginn saya/ma pawl ralrin a pek hna

Chinram Runvennak Ralkap (Chinland Defense Force - CDF) nih CDM a tuah lomi le sianginn kai dingin forhfialtu saya/ma pawl cu fak piin ralrin...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -