14.1 C
Hakha
Sunday, May 9, 2021
- Advertisement -

Ṭial Tharmi

Hakha ah Aung San milem phun nakin Panglong biakam kha tlinter i zuam deuh uh

Chin Mino Bu (Chin Youth Network – CYN) nih, Chin khualipi Hakha ah Ralbawi Aung San milem phun nakin Panglong biakammi sachoh kha a rannak in tlinter i zuam deuh uh, tiah September 15 ah cathanh a chuah.

NLD nih cozah a tlaih hnu in, tlangcung miphun ram a simi Mon, Kaya le Kachin states hna ah Aung San milem cu mipi nih an doh tuk buin state cozah nih hramhram in an phun chih. Atu zong Chin mipi duhnak tel loin Chin state cozah le Hluttaw nih Hakha khuapi ah Ralbawi Aung San dar milem phun an timhmi kong he pehtlai in a tanglei hi an langhter.

• Miphun namnehnak lungput in Chin state Hakha khuapi ah Ralbawi Aung San dar milem phun hi kan duh hrimhrim lo.

• Ralbawi Aung Sam dar milem phun nakin, Panglong biakammi le sachoh ah aa telmi miphun tlukruannak le mahte khuakhan lairelnak nawl a pemi federal ram ser ding tu kha a rannak in kan zuampiak uh.

• Mipi rualremnak, remdaihnak le federal ram nan sernak ahhin tlangcung miphun hna i an miphun hmelchunhnak pawl kha upat piak hna uh.

Kan thinphanmi

• Tlangcung miphun ram ah kokek mipi duhnak zei rel loin Ralbawi Aung Sang milem nan phun ahcun daihnak, miphun lungrualnak le rammi rualremnak hna hi hlan lio nakin a chiat ter deuh khawh.

• Kan herhmi ramkhel lei tlamtlinter loin Ralbawi Aung San milem hi hramhram in nan phun ahcun Chin miphun le Kawl miphun kar ah a herhmi lomi miphun huatnak a chuak kho.

• NLD party hruainak in Ralbawi Aung San milem phun hi inntek miphun hna thlanglamh asi tiah Chin mino nih kan ruah.

• Chin state cozah le Chin state Hluttaw nih Ralbawi Aung San dar milem phun nan timhmi hi Chin state cozah le Hluttaw rian asi maw asiloah nan rian lonh in dah nan tuah, ti zong biahal awk a chuahter pinah zei bantuk ruahchannak he dah milem phun cu nan duh ti, tbk., zong biahal awk a chuahter, tiah CYN nih cathanh a chuah.

CYN cu kum 2013 ah Hakha khuapi ah tuahmi Chin Youth Forum in dirhmi asi. — Zalen

- Advertisement -

Ṭial Tharmi

CDF-Hakha nih Surkhua Palik Sakhan an lak, hriamnam zong an lak

Chinram Vengtu Ralkap (CDF) Hakha nih May 8 chun 11:30am hrawngah Surkhua palik sakhan an lak i hriamnam zong an lak. Sakhan cu an...

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...
- Advertisement -

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...

CDF nih CDM tuah lomi sianginn saya/ma pawl ralrin a pek hna

Chinram Runvennak Ralkap (Chinland Defense Force - CDF) nih CDM a tuah lomi le sianginn kai dingin forhfialtu saya/ma pawl cu fak piin ralrin...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -