21.3 C
Hakha
Thursday, April 15, 2021
- Advertisement -

Ṭial Tharmi

Hakha ah ‘cozah Innhmun’ a zuartu minung 6 an tlaih hna

By Dim | Khonumthung — Chin state khualipi Hakha ah ‘cozah nih innhmun samh a timhmi’ mah nawl in a zuartu minung 6 cu palek nih an tlaih hna i sakhan ah an hren hna.

Tlaihmi hna cu;

  • Pu Zung Mang, kum 60
  • Pu Bawi Awr, kum 54
  • Pu Chan Thleng, kum 60
  • Rev. Dr Hrang Kil, kum 58
  • Pu Hmet Al, kum 74 le
  • Pi Ngun Par, kum 52 an si.

Nizaan, Zarhpini ah an tlaih hna i atutiang palek sakhan ah an hren ko hna.

“Suimilaam 24 chung lawng hrennak nawl kan ngeih hna caah tuni in an konglam (case) hlathlainak kan thok colh lai. Tlaihmi le anmah he pehtlaihnak a ngeimi minung tampi hlathlai an hauh caah kan rau pah lai,” tiah Hakha Palek Sakhan bawi U Thein Zaw Oo nih Khonumthung media sinah a chim.

“Thla 1 chung ah an konglam (case) tuah khawh dih kan i zuam lai,” ati.

Anmah 6 nih hin, cozah nih Hakha khuapi kauhnak caah innhmun samh a timhmi kha ‘kanmah vawlei asi’ tiin mi sinah an zuar, tiah lunghrinh asi.

Cu hmun ah mah nawl in inn an sakmi 120 leng cu cozah nih August 20 ah a hrawhpiak dih hna.

Atu palek sakhan ah hren a tongmi 6 lakah; Pu Zung Mang, Pu Bawi Awr, Pu Hmet Al le Rev. Dr Hrang Kil hna cu an dam lo caah an chungkhar an lungrethei ngai, tiah kan theih.

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -