Tuni September 15 ah palek le pike nih Hakha khuapi chungah motorcycle pawl biatak tein checknak an tuah.
Hitin checknak an tuahmi hi Hakha khua chung ah monghmi motorcycle pawl nih lam zulhphung ttha tein an zulh i accident a zor deuhnak hnga caah a si.
No (16) pike le Hakha palek pawl i bawm in Bogyoke lam thluan ah aa chawkmi motorcycle pawl cu lukhu chinh/lo, license um/lo, number um/lo, a hmailei mei that/lo, hnulei zohnak thlalang um/lo le speed limit ning in mongh/lo tipawl an check hna.
Motor le lam zulhphung a zul lomi paoh cu upadi ningin dantat an si lai.
Motor le lam zulhphung cu mipi nih an hngalh khawhnak hnga cawnpiaknak le cazual phawtnak zong an tuah cang i atu ahcun zulhphung a zul lomi paoh cu upadi ningin fak piin dantat an si cang lai.
