Hakha khua, Khuathar sang um Pu Tial Kian nih awngbali ting thong 1 a poh.
Moe Yan Shwe La Min awngbali company nih Hakha ah a onmi saikhuai Ko Ngi dawr ah awngbali (ṭhi/che) a cawk i ting thong 1 a poh hi si.
Pu Tial Kian, kum 63 nih, “hlan ahcun pehtlaihnak zung ah rian ka rak ṭuan,” tiah a chim.
“Hnu ah pehtlaihnak zung in saṭaih zung ah kai ṭhial. Pension ka lak lai ah ṭhi ting 5 ka poh bal.
“Pathian dawtnak thawngin atu hi voi 2nk ka poh si. Ṭhi hi thla fatin ka ṭhu/caw peng.
“Ka pohmi hi zei ca dah ka hman lai ti cu ka hngal rih lo. Pengkulh ngunkhuai (tax) zung ahcun tax pek a herhmi ka pek dih cang.
“Fa 4 ka ngei i an caah ka hman te ko lai,” tiah a chim.
Moe Yan Shwe La Min awngbali company nih 2020 July thla ah Hakha ah saikhuai Ko Ngi a on thokin tutan hi avoi 1nk bik ting thong 1 an poh si.
