Chin state Meithat Zung i tlangtlaknak in Hakha peng Meithat Zung nih Dongva khua ah mei thah ning cawnnak tintan a tuah i, July 3 ah tlamting tein a lim.
Mei thah cawnnak tintan ahhin Dongva khua in mino 35 an kai kho.
June 22 in July 3 tiang mei thah ning cu ca in siseh a tuah taktak nak in siseh cawnpiaknak an ngeih hna.
Mei thah tintan kaimi pawl cu July 3 ah Hakha peng meithat zung lutlai le Hakha GDA nih certificate an pek hna.
Cun, meithat zung i a rianttuan ning le aa tinhmi, meithah tintan kai in a hlawknak le khua mipi caah tthil ttha tuah kho dingin forhfial, thapeknak bia an chimh fawn hna.
- Advertisement -
