Paletwa le Samee khua chung ah a ummi ralzaam hna caah tiin Hakha sizung rianttuan pawl nih thilpuan an hlut.
Hakha sizung ukbawi Dr Zin Ko Ko Aung le sibawi te dihlak i bawm in Paletwa le Samee khua um ralzaam hna caah hlutmi thilpuan peknak cu June 29 ah Chin state Vuancichoh zungkhan ah an tuah.
Bawmhnak thilri peknak ahcun Chin state Vuancichoh Pu Salai Lian Luai, Vuanci pawl le bawmhnak petu pawl an i tel kho.
Hmasabik ah Hakha sizung ukbawi Dr Zin Ko Ko Aung nih Paletwa le Samee khua ah a ummi ralzaam hna caah zaangfahnak thinlung he thilpuan hlut khawhnak dingah Hakha sizung rianttuan sibawi dihlak le Mandalay in mibawmtu he kan i bawm timi kong a chim.
Cu hnu ah, hlutmi thilpuan cu Chin state Vuanchichoh nih a cohlan i, upatnak roca peknak le lawmhnak biachimnak a ngei.
Paletwa le Samee khua ah a ummi ralzaam hna caah tiin Mandalay in Dr Khin Aye Sein nih tangka Kyats ting 6 man thilpuan zun 200 le Hakha sizung rianttuan pawl nih Kyats 630,000 man thilpuan zun 45 an hlut.
Bawmhnak thilri pawl cu ralzaam hna sinah kan hei kuat colh hna lai, tiah chin state cozah lei biachimtu U Soe Htet nih a chim.
