15.3 C
Hakha
Thursday, April 22, 2021
- Advertisement -

Ṭial Tharmi

iPhone thar tuni a chuak lai, caw hlah

Tuni ah Apple company nih iPhone 11 chuahnak puai a tuah cang lai. Tu hnu suimilaam 2 ah an thok lai. Atang video ahhin live in zoh khawh cio asi lai.

iPhone thar a chuah paoh ahcun ahopaoh nih cawk an duh tuk cio. Nain tutan a chuak ding iPhone cu cawk a phu lo taktak, na cawk cun naa ngaichih hrimhrim lai.

Cawk a phut lonak aruang

iPhone 11 cu a chuak rih lo nain a chung rianttuan pawl nih a thli tein a konglam an phuan pah dih caah kan theih pah dih cang.

  • Atu lio iPhone Xs he a pungsan aa khat dih lai. Camera lawnglawng aa dang. Camera 3 um lai i pakhat cu ‘a kaupi thlaknak’ asi lai caah group hmanthlaknak caah a ttha ngai lai.
  • A sehtha tlawmpal a rang deuh lai nain zei pipa aa dang lai lo. Ni fatin phone hmannak in theih khawh asi lai lo.
  • A hnulei i Apple tazeih cung deuh ah a um tawnmi kha ‘alai’ ah a um cang lai.
  • iPhone Xs ah kan fih taktakmi ‘a cal sam’ pi kha um tthiam rih lai.
  • 5G a ngah lai lo. Atu lio phone chiahru nih an hman ciomi 4G LTE signal tthiam asi lai.

Atu cun Samsung hmanh nih 5G internet a ngahmi, 4G LTE nakin let 100 tluk a rang deuhmi phone a chuah cang.

Samsung phone chuak thar Note 10 Plus hi zei tluk in dah aa dawh (atang video). Mah lak cun tuni a chuak ding iPhone mui chiat ning cu lungrawk bak si. Samsung le Huawei nih Apple cu an tei cikcek cang.

Hmai kum a chuak ding iPhone paoh ahcun 5G internet an ngah ve cang lai caah atu chuak ding iPhone nakin let 100 tluk internet a rang deuh lai.

Tutan chuak iPhone 11 nai cawk ahcun hmai kum atu tik ah phone thar aa cawkmi pawl cu 5G internet a ngahmi phone in nuam taktak in game an i celh lio le Facebook ah tluang tak in LIVE an thlah khawh lio ah, nang cu na game a taang pah lai, LIVE na thlahmi a fiang pah lai lo.

Samsung 5G internet phone (atang video) hi zoh ve hmanh, internet a ran khawh ning khuaruahhar bak si. Tuni a chuak ding iPhone cu ‘ngeh’, 5G internet hmanh ngah lo. A man khi US dollar 1,000 hrawng (Malaysia RM5,000 leng, Kawlram ting 15 leng) si rih lai.

Cun, hmai kum a chuak ding iPhone ahcun charger le earphone sawhnak kua kha atu bantuk si ti lai lo. USB-C asi cang lai caah Mac computer a ngeimi caah hri/cable hlei cawk a hau lai lo. Mah pinah, Android phone charge nak zong iPhone charge nak ah hman khawh asi cang lai. Hmai kum chuak ding iPhone cu ‘a cal sam’ pi zong kha um ti lai lo. Mah ruang cun tuni a chuakmi iPhone nai cawk ahcun hmai kum ah na ngaichih hrimhrim lai.

Atu na hman liomi phone kha hman awk a tthat rih ko ahcun ‘i hne rih ko’. Hmai kum tu ah kum 10 chung an i zuammi theipar 5G internet a ngahmi phone, tuni chuak nakin let 100 tlukin aa dawh deuhmi le internet rang deuhmi nai cawk te lai.

- Advertisement -

Ṭial Tharmi

US Chin pa Za Uk Lian nih minung 1 a kah thah, 1 hliam

US ram, Pennsylvania state um Za Uk Lian nih Nithumni zingka dei hlan ah meithal in minung 1 a kah thah hnu ah amah...

CNF Sakhan umnak Thantlang peng khuate 6 cu ralkap nih lengchuah an khap hna

Chin Miphun Ralkap (CNF) headquarters Victoria Sakhan kalnak lam ah a ummi khuate 6 cu April 21 thokin uknak firtu Myanmar ralkap nih khuapi...

President Biden: US ah COVID-19 raikhamsi 200 million kan chunh cang hna

US President Joe Biden nih, "President ka ṭuan ni 100 chungah COVID-19 raikhamsi 200 million kan chunh hna lai ka rak timi cu kan...
- Advertisement -

Dr Sasa nih ASEAN sinah hitin ca a kuat

Caankarlak cozah NUG biachimtu le Ramdang he Rianṭuanṭinak Vuanci Dr. Sasa nih ASEAN sinah ca a kuat. April 24 ah ASEAN nih Myanmar kong Lakhruak...

ASEAN ram pawl nih Min Aung Hlaing meeting an sawmmi hi an let awk a si – HRW

A ra laimi Zarhteni (April 24) ah ASEAN ram pawl nih Indonesia ram ah Myanmar ram kong ceih dingin meeting tuah an tim i...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -