21.3 C
Hakha
Thursday, April 15, 2021
- Advertisement -

Ṭial Tharmi

IS ralhrang 100 leng Syria thonginn in an zaam

Syria ram ah thongthlakmi IS ralhrang 100 leng thonginn in an zaam tiah US cozah rank sang pakhat nih Nithumni ah a chim.

IS ralhrang pawl cu US ralkap le a ttantti Kurdish hriamtlai (Syrian Democratic Forces tiin auhmi) pawl nih Syria ah an tlaih hna i thong an thlak hna. Nain, President Trump nih US ralkap pawl cu a lak hna caah Kurdish hriamtlai bu lawng nih thonginn cu an ven.

Trump nih US ralkap a lak hna cangka in Turkey cozah nih Kurdish hriamtlai (SDF) cu a kah hna caah thonginn cu ttha tein an veng kho ti lo. Mah ruangah, IS thongtla pawl nih thong an bauh i an zaam khawh hi a si.

SDF cu US ralkap he i bawm in Syria um IS ralhrang a do ttimi a si. President Donald Trump nih a kan rawi, US nih IS ralhrang doh a kan sawm caah kan hriamtlai thong tampi an nunnak liam, atu ah hitin US ralkap nih a kan hlawt tiah President Trump acozah cu an mawhchiat len.

US Ramdang Vuanci Zung nih Syria palai caah a hmanmi James Jeffrey

“IS ralhrang 100 leng thonginn in an zaam cang. Atu an umnak kan hngal ti hna lo,” tiah US Ramdang Vuanci Zung nih Syria palai caah a hmanmi James Jeffrey nih US Hlutdaw Niam i Foreign Affairs Committee phu sinah a chim.

James Jeffrey nih, “Kurdish hriamtlai pawl nih thonginn cu an ven rih ko,” tiah ati.

Turkey nih Kurdish hriamtlai a kahmi hna cu ngol dingin US cozah nih a fial. Turkey nih “si un Kurdish hriamtlai pawl hi Syria-Turkey ramri chuak hna seh…” ati. Cutin, US cozah he kahngol lungtlinnak an ngei i atu lawlawse cu Turkey nih a kap ti hna lo.

Kurdish hriamtlai pawl cu Turkey ram chungah a ummi ralhrang bu PKK he pehtlaihnak an ngei tiah Turkey cozah nih a chim. Mah ruangah, a kah hna hi a si. PKK cu US le EU zong nih ralhrang cazin ah an chiahmi a si. – AFP

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -