Tokyo, Japan: Japan nu nih a inn chung i tikhalternak kuang (freezer) chung ah a nu ruak kum 10 chung a chiah.
“Ka nu thihmi an theih ahcun inn ngeitu nih a ka tthawl lai ti ka phan caah ka thuhmi a si,” tiah palek sinah a chim.
Yumi Yoshino, kum 48 cu mi ruak hlonh le thuh case in palek nih an tlaih.
Yoshino nih, “Ka nu he kan um ttinak inn tthial ka duh lo ruangah ka nu ruak cu a luancia kum 10 ahkhan ka thuh,” tiah media sinah a chim.
A nu cu a thih lio ahhin kum 60 hrawng si i a nu min in inn hlannak sachoh an tuah.
Yoshino cu tu thla tan ttim ahkhan inn man a pek lo ruangah an tthawl. Miruak cu bizuu chung ah a thuhmi tikhal ternak kuang chungah inn thianhtu nih a hmuh.
Mi ruak cu sibawi te nih pum hlainak an tuah nain a thihnak ruang le a thih caan an thei kho lo. – AFP
