21.3 C
Hakha
Thursday, April 15, 2021
- Advertisement -

Ṭial Tharmi

Japan ram Thlichia ruangah minung 70 leng an thi cang, tampi an tlau

A pin taktakmi Hagibis Thlichia nih Japan ram a den caah minung 70 leng an thi cang. Minung 12 leng an tlau rih. Tuni zong mikhamhtu pawl cu a tlaumi an kawl peng ko hna.

Hagibis Thlichia nih thlichia pin taktak le ruahpi tuk taktak in Zarhteni zaan ahkhan Japan ram a den caah hmun tampi ah vawlei an min i tiva tlang an i baoh dih.

Hagibis Thlichia nih suimilam 1 ah 216km a phan khomi, a pin taktakmi thlichia in Japan ram cu a den ko nain, aa rat pimi ruahpi tuk taktak nih hin rawhralnak fak khun a chuahter.

Hagibis Thlichia a kal ning le tilian a tlunnak hmanthlak. Asen khi tilian a tlunnak, a aihremi warning peknak. Dehdeh in aa rinmi hi Hagibis thlichia a kal ning

Japan thawngzamhnak TV NHK nih “minung 72 an thi cang i 12 leng an tlau rih,” tiah tuzaan ah a thanh. Cozah nih a thanh ning ahcun an tlawm deuh nain ‘thawngpang tling asi rih lo’ ati.

Japan cozah hruaitu Prime Minister Shinzo Abe nih, “biatak tein mi kan kamh cuahmah rih ko hna lai,” tiah thawng a thanh. Hartong mipi khamh dingin ralkap, meithat, rili vengtu le palek 110,000 leng a thlah hna.

“Atu hi a rawhnak hmun pawl ah din loin mitlau kawl le khamh rian kan ṭuan cuahmah lio asi,” tiah Pu Abe nih Hlutdaw MP pawl a chimh hna.

Nagano peng i Chikhuma tiva kam inn cu tilian nih hitin a phum hna.

“Tiva an liamnak hmun pawl ah, tiva tlang aa baohnak zawn kan phih cuahmah i tilian nih a khuhmi hmun pawl cu ti reu dingin seh in kan dawp cuahmah,” ati.

Prime Minister Zung nih, “thlichia le tilian nih a dennak hmun um minung 3,000 leng kan khamh khawh cang hna,” tiah a thanh.

Japan ram ahhin peng (prefecture/state) 47 a um. Tutan thlichia nih hin peng 36 bak a den.

Ralkap a tuan cuahmahmi thazaang lawng a zaat ti lo caah Ralkap Vuanci Zung nih ‘kenret’ aa chiahmi ralkap (reserved troops) a zaza zong a auh hna. 2011 ah lihnin le tsunami tilian a rak tlun hnu in tutan hi avoi 1nk bik kenret ralkap an auh hna asi.

Nagano peng tlanglawng station tilian nih a phum dih

Siangpahrang chungkhar an lungrawk tuk

Japan ram pumpi a uktu Siangpahrang Naruhito le Siangpahrangnu Masako cu hartongmi tampi kong ruat in an ngaihchia tuk hringhran, tiah Siangpahrang Inn nih a thanh.

“Siangpahrang nuva nih a nunnak liammi vialte nan ngaihchiatnak an in hrawmpi hna… cun a tlaumi zong a tuanh khawh chung tuan ah hmuh khawh hna dingin an i ruahchan,” tiah a thanh.

Mahtluk puicimh an tong nain, cozah nih October 22 ah tuah dingin a timh cangmi Naruhito siangpahrang ṭhutden peknak puai cu an leet lo.

Nagano peng hartong dornak inn ah aa dormi chungkhar

Charhchan: CNA

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -