Japan Ngandamnak Vuanci Zung nih “kan ram ah COVID-19 zawtnak kan hloh khawhnak hnga Japan rammi paohpaoh man lo tein COVID-19 kakuaisii kan pek dih hna lai” tiin October 2 ah upadi a fehter.
Japan um ramdangmi pawl free in an ngah ve lai maw ti balte cu bia kan khiak rih lo, tiah Ngandamnak Vuanci Zung rianṭuan pakhat nih a chim.
“Sinain, keimah pumpak ruahnak ahcun mipi ngandamnak caah ramdangmi zong free in an ngah ve awk si ko,” ati.
Japan cozah nih, “hmai kum tanṭim hrawng ahcun kakuaisii an ser khawh lai ti kan zumh, kan rammi vialte caah Japan tangka 671.4 billion yen (US$6.4 billion) in kakuaisii kan cawk lai,” ati.
COVID-19 kakuaisii a ser cuahmahmi UK hrambunh sii company AstraZeneca Plc. le University of Oxford he kakuaisii chunh 120 million cawk dingin lungtlinnak sachoh an ngei cang.
Germany sii company Pfizer Inc. le BioNTech SE he zong kakuaisii chunh 120 million cawk dingin lungtlinnak sachoh an ngei cang.
US sii company Moderna Inc. he zong kakuaisii chunh 40 million cawk dingin sachoh an ngei cang.
