Awttha Jenevy Sui nih naite ahkhan 2020 IYF Online World Camp K-Pop Hlasak Zuamnak ah pakhatnak (Grand Prize) a lak i tuni ah laksawng peknak puai an tuah.
Avoi 13nk K-pop Hlasak Zuamnak cu South Korea ram ah online in an tuah i ram 64 in group 138 an i zuam kho. Myanmar ram aiawh in Jenevy Sui aa zuam.
Jenevy Sui nih “Pathian dawtnak thawngin ka comi lunglawmhnak, IYF cungah kaa lawm tuk. Live a zoh i commment le chatbox in a ra ka lawmhpi tu ka unau nan dihlak cungah kaa lawm tuk.
“Ka pa ai ah a tthabik in lemcang a ka ttuanpiaktu Hmawbi in U Kankaung cung zongah kaa lawm tuk” tiah a Facebook cahmai ah a ttial.
Jenevy cu pakhatnak a lak caah a man fak bakmi Apple thilri MacBook Air pakhat an pek. Cun, 2020 Grand Prize ngahtu cazin ah chiah a si lai i 2021 IYF World Camp (Korea) ah man lo tein tlawnnak le zarh 2 chung zohfel khawhnak laksawng an pek.
Jenevy cu Korean Drama Series simi “Crush Landing On You” hla pakhat si vemi ‘Sunset’ in aa zuam i pakhatnak a ngah hi a si. IYF nih Roca zong an pek.
