South Korea ram ah tuahmi 2020 IYF Online World Camp K-Pop Hlasak Zuamnak ah Jenevy Sui nih pakhatnak laksawng a hmuh tiah kan theih.
Avoi 13nk K-pop Singing Contest cu Online in an tuah i ram 64 in minung 138 an i zuam kho. Myanmar ram aiawh in Jenevy Sui aa zuam.
Jenevy cu Korean Drama Series simi “Crush Landing On You” hla pakhat si vemi ‘Sunset’ in aa zuam i pakhatnak a ngah hi a si. IYF nih Roca zong an pek.
“Tlawmpal te cu kaa ruahchan ve ko nain pakhatnak tiang ngah ding cu kaa ruat lo. Pakhatnak ka ngah lai ti hrim ka ruat lo. Kaa lawm tuk.
“Coronavirus ruangah atu bantuk lungretheih caan ah hnangam, nuamhnak a kan petu IYF le a zohtu mipi cungah tampi lawmhnak ka ngei.
“A hlei in IYF a dirhtu le ruahchannak chunmang a ka petu sayci Ock Soo Park cungah lunglawmhnak tampi ka ngei. IYF fighting, I love you,” tiah Jenevy nih aa lawmhnak kong cu Korea holh in a chim.
Jenevy Sui hlasak aa zuamnak le lunglawmhnak bia a chimnak cu a tanglei video ah tling tein zohkhawh a si.
https://web.facebook.com/105557557877096/videos/3327234477298141/
