Chin awttha Jenevy Sui nih Yangon khua chungah ‘Taste Corner’ timi rawldawr a on i coffee le Vietnam khohsuai biapi in a zuarmi a si tiah kan theih.
Yangon a tlawng i Jenevy Sui rawldawr ah kal a duhmi nan um ahcun No.74, Middle Baho Street, Mayangone Township hi a hmun si lai.
Jenevy nih a rawldawr cu August 26 ahkhan a on i Lu Lu Aung telhin minthang tampi nih tha an va pek.
Lu Lu Aung nih “nifatin rak ei lawngte ka duh cang ko” a ti.
Chinmi chungin, David Lai le Nilen Parmawi te ttafar zong nih tha an va pek ve.
“Pathian thawngin dawr ka on khawh cang. Zawtnak ruangah dawr on puai ka tuah kho lo i Pastor pa phone ka chawnh i thlacamnak te he ka on.
“Ka hawikawm zong kan sawm hna lo. Zaanghlei cawi in thazaang a rak ka petu hawikawm nan dihlak cungah kaa lawm tuk” tiah Jenevy nih a Facebook Page ah a ttial.
