20.3 C
Hakha
Sunday, April 18, 2021
- Advertisement -

Ṭial Tharmi

Jordan ram ah Kawlrammi 800 hrawng an i tap

Jordan ram ah rian a ttuanmi Kawlrammi tampi cu a thlathla in rian an ngeih ti lo pinah vanlawng khualtlawn zong an ngol lio si caah Myanmar ram tlung kho loin harsatnak a phunphun an tong.

Jordan ram, Kerak khua ah a ummi Camel Textile International Cooperation ngeihmi thiltthitnak sehzung ah Kawlrammi 1,700 hrawng rian an ttuan hna. Cu chungah, minung 800 cu Myanmar ah tlung kho loin an i tap.

Covid-19 ruangah sachoh an ngeihmi nithla a tling rih lo nain an boss te nih tangka liamh ding an hal hna lo.

Kawlrammi pawl cu Myanmar ram tlung dingin an hngah lio ah an boss te nih umnak inn le rawl an pek hna.

“Ni fatin innkhan chung umnak in caan a dih caah ka lungrawk ngai cang. Kei hi ka sachoh a dih cang caah March thla ahkhan Myanmar ram tlung ding ka si,” tiah kum 27 simi Nu Ma Ma Hlaing nih a chim.

Myanmar ram tlung kho loin aa tapmi Kawlrammi 800 lakah a cheu cu Covid-19 ruangah rian dinhter an si.

“Rian ngei loin ka umnak thla 4 si cang. Keimah telh in nu tampi cu harsatnak tampi an tong hna.

“Kan chungle zong tangka kan kua kho ti hna lo. Kan dam lo hmanh ah sii cawknak tangka kan ngei lo. Cu ruangah, a rannak in Myanmar ram tlun ka duh ko,” tiah kum 23 simi Nu Myat Myat Moe nih a chim.

Jordan ram ahhin Myanmar Tanzung a um lo caah innpa simi Israel ram ah a ummi Myanmar Tanzung nih bawmhnak a pek hna.

Jordan ram ah Kawlrammi 3,000 leng rian an ttuannak sehzung 4 a um, tiah Israel um Myanmar Tanzung rianttuan U Mg Mg Lat nih a chim.

Covid-19 um chungah harnak a tongmi cu Camel Textile sehzung ah rian a ttuanmi an si hna i a dang sehzung pawl ah harnak a tongmi Kawlrammi pawl cu an tlamtling cang, tiah U Mg Mg Lat nih a chim.

Jordan ah vanlawng khualtlawng an on sin tein Kawlrammi pawl cu Myanmar cozah nih a lak hna lai.

- Advertisement -

Ṭial Tharmi

Tuni ah ralkap nih minung 2 meithal in an kah hna

Tuni Zarhpini ah, Mandalay ramṭhen Myingyan khua ah tlangval pakhat cu ralhrang Myanmar ralkap nih meithal in an kah caah a nunnak caah thinphan...

Sihni Salai Dawt Cung Lian inn ah gas a puak i a nunnak liam

Sihni Salai Dawt Cung Lian cu an inn ah gas a puak i a nunnak liam tiah kan theih. An nih hi Mandalay ah ralkap...

Yangon ah bomb a puak i ralkap 3 hliam tong

Nizaan ahkhan Yangon ah bomb tam ngai a puak i ralhrang Myanmar ralkap a tlawmbik 3 paoh hliam an tong, tiah The Irrawaddy media...
- Advertisement -

Bill Gates nih ‘mah 3’ a thiammi hi cu hmailei ah rian tha an hmu kho lai ati

Vawlei cung mirumbik 4nak a simi Bill Gates cu hmailei kong lawngte ah a buai khim ko. Thil thar sertu le sipuaizi thlengtu pawl he...

Apoi tuk: Min Aung Hlaing cu ASEAN Meeting a kai lai

Uknak firtu Myanmar ralkap bawizik Min Aung Hlaing cu April 24 ah tuah ding ASEAN meeting ah an sawm ve caah Indonesia a tlawng...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -