27.6 C
Hakha
Thursday, April 22, 2021
- Advertisement -

Ṭial Tharmi

Kanmah Kong Kanmah Tein Lai Kan I Rel Khawh Lo Zia

”Kanmah Kong Kanmah Tein Lai Kan I Rel Khawh Lo Zia” – ( Lo Zu nih Inn Zu a pawnchuah timi)

Thantlang Covid-19, I Runvennak Main Committee hna cu:

  1. Myone Ohchohzi Hmu, U Aung Shwe Myint (Chairman)
  2. Myone Cianmazi Hmu, U Tun Pwar (Secretary)
  3. Myone Lahwahkah hmu (Member)
  4. Myone Pingngiazi Hmu (Member)
  5. Myone Yehmu Palek Bawi (Member)
  6. Myone Tatanazi Hmu (Member)

Khi acunglei minung paruk (6) hna khi Thantlang Covid -19 kongah Thantlang peng pumpaluk caah Lai a rel khotu luzik bik le nawl a ngei bikmi cu an si. Chin miphun pakhat hmanh telh kan si lo. Thantlang mino bu, Khuanu khuapa bu lutlai an min a um lo.

6nk khi TATANA ZI HMU timi khi Biaknak bu a si. BOHDAHBATA Biaknak Lutlai cu an telh, culio ah Krifa 100% khuasaknak Thantlang ah Khrihfa Biaknak Lutlai kan Pastors te an min nan hmu maw?

Cu nih a chuahpi mi cu Covid-19 zawtnak ruangah a thimi hmanh a si lomi, Malaysia ah inncung in a tlaak ruangah a nunnak a liammi kan fanu SUI HLEI ṬIAL cu kan ram Thantlang ciacia ah luphumnak hmuhma an pe duh lo. Hauleeng (kha hlaan Sia tlonnak) ah an phumter hna. Malaysia Myanmar Tanzung nih a thihnak a ruang an ṭialpiak mi zong, khi hna paruk (6) nih khin tawpherh hnawhnak caku tluk hmanh ah an kan relpiak lo.

Thantlang Khuabawi luziik khan a simi Pu Ram Khar biachim hmanh an ngaih piak duh lo. Ruak donnak ah a va kal ve zongah a mawṭaw an rak kham piak pinah hro hna a tong tiin kan theih. A caah a har ko lai.

An phumter hnu hna ah ramchung ramleng media in kan au cio hnu ah chunceu hmanhah siloin zaanṭim le khuamang ah Thantlang minung pali (4) te lawng a ruak an hlaiter ṭhan hna i anmah le anmah thiam i cheh duh menmen ah funeral service hmanh um loin Thlanmual ah a thli tein va phum uh tiah order fawitahlak in an chuahpiak hoi hna.

Tam ka ṭial ti lai lo. Ka ṭial deuhdeuh ka ai a puang deuhdeuh, kaa nautatnak a zual deuhdeuh.

NOTE: Thantlang MINO, KHUANU KHUAPA, NU HE PA HE, NGAKCHIA he TAR he ahohmanh pakhat le pakhat, mah le mah i mawhchiat caan a si lai lo. Party nan ṭanhmi le Biaknak bu chiah taak cio in hmunkhaṭ te ah ṬANṬI caan a si lai.

Tutan hi Lungrual tein ṭanṭi nan thiam i Ralṭha tein NAN TUAH AWK a simi nan TUAH ahcun Miphun kongah TEINAK nan hmuh caan a si lehlam lai.

Khi Lai nunphung a hngal lomi, Thantlang mipi a neek rumro in aan neektu hna, khi Kawl miphun paruk (6) hna khi Thantlang khua in hauleeng ah nan hlonh khawh venak hna caanṭha tuk (Best Chance) a si hi hngal u.

Amahbelte on the spot (alinhsat lio) ah Kan Tuah Awk A Simi Kan Tuah Ngam Hna Lo Ahcun FEDERAL Biafang Zong Hi A Ceih In Ceih Ti Hna Hlah Usih.

Federal state a simi MIZORAM ahcun sisehlaw mu, khi hna paruk khi innleeng hmanh an chuak ngam ti hnga lo. Mizoram YMA (Young Mizo Association) nih chunzan hlan in an inn an kulh dih cang hna hnga.

Caṭialtu: Tawk Cung (PPP)
CANADA

- Advertisement -

Ṭial Tharmi

CNF Sakhan umnak Thantlang peng khuate 6 cu ralkap nih lengchuah an khap hna

Chin Miphun Ralkap (CNF) headquarters Victoria Sakhan kalnak lam ah a ummi khuate 6 cu April 21 thokin uknak firtu Myanmar ralkap nih khuapi...

President Biden: US ah COVID-19 raikhamsi 200 million kan chunh cang hna

US President Joe Biden nih, "President ka ṭuan ni 100 chungah COVID-19 raikhamsi 200 million kan chunh hna lai ka rak timi cu kan...

Dr Sasa nih ASEAN sinah hitin ca a kuat

Caankarlak cozah NUG biachimtu le Ramdang he Rianṭuanṭinak Vuanci Dr. Sasa nih ASEAN sinah ca a kuat. April 24 ah ASEAN nih Myanmar kong Lakhruak...
- Advertisement -

ASEAN ram pawl nih Min Aung Hlaing meeting an sawmmi hi an let awk a si – HRW

A ra laimi Zarhteni (April 24) ah ASEAN ram pawl nih Indonesia ram ah Myanmar ram kong ceih dingin meeting tuah an tim i...

Falam pengah Chin ralkap ‘CNDF’ an dirhmi hi mipi caah a tha maw?

Falam peng, Kalay-Kabaw le ramkip um Chin miphun nih kan ceih hnu April 13 ah Chin Miphun Runvennak Ralkap (Chin National Defence Force -...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -