15.3 C
Hakha
Thursday, April 22, 2021
- Advertisement -

Ṭial Tharmi

Kanye West: Trump Ka Ṭanh Ti Lo, Keimah nih President Ka Ngah Lai

US rap hlasa minthang Pu Kanye West nih, President Donald Trump ka ṭanh ti lo, president kaa cuh lai i teinak ka hmuh lai, tiah Forbes interview ah a chim.

Pu West cu President Trump a ṭanh ngaimi asi i a ṭanhnak kong zong zapi theih in a chim tawn. A nupi ṭawk ṭha Kim Kardashian West he zong White House ah President Trump an rak len bal.

“Luchin sen zong atu interview nan ka tuah bak hin kaa phoih cang,” tiah Trump a ṭanh ti lonak kong cu a chim. Trump hmelchunhnak “Make America Great Again” ti aa ṭialmi luchin sen cu Pu West nih aa rak khuh tawn ve.

“Ka nun chungah ka tuah balmi thil dang bantukin, president zong ngah dingin kaa cuh lai,” tiah Pu West nih i biatak ngai in a chim.

“Birthday Party in president cu kaa cuh lai,” ati.

Nain, i cuh dingin Rampumpi Thimnak Zung (FEC) ah a herhmi catlap zeihmanh a tuah rih lo, min zong aa pe rih lo. Sinain states tampi ahcun independent in cuh a duhmi caah min pek caan a um rih ko.

Pu West nih, “Joe Biden nih minak pawl sin in vote tampi hmu hlah sehlaw Trump nih tei seh tiin president cuh kaa timhmi si lo,” tiah a chim.

“Minak votes cu Democrats ta ti zong hi miphun thleidan le Mirang santer phun khat asi. Obama cu hawilei in a thiam. Trump zong, Bill Clinton zong, keimah zong. Joe Biden cu hawihlei in a thiam lo. Kanmah bantuk hawihlei thiam pawl hi America nih hruaitu dingah a kan herh,” ati. — Forbes, Reuters

- Advertisement -

Ṭial Tharmi

US Chin pa Za Uk Lian nih minung 1 a kah thah, 1 hliam

US ram, Pennsylvania state um Za Uk Lian nih Nithumni zingka dei hlan ah meithal in minung 1 a kah thah hnu ah amah...

CNF Sakhan umnak Thantlang peng khuate 6 cu ralkap nih lengchuah an khap hna

Chin Miphun Ralkap (CNF) headquarters Victoria Sakhan kalnak lam ah a ummi khuate 6 cu April 21 thokin uknak firtu Myanmar ralkap nih khuapi...

President Biden: US ah COVID-19 raikhamsi 200 million kan chunh cang hna

US President Joe Biden nih, "President ka ṭuan ni 100 chungah COVID-19 raikhamsi 200 million kan chunh hna lai ka rak timi cu kan...
- Advertisement -

Dr Sasa nih ASEAN sinah hitin ca a kuat

Caankarlak cozah NUG biachimtu le Ramdang he Rianṭuanṭinak Vuanci Dr. Sasa nih ASEAN sinah ca a kuat. April 24 ah ASEAN nih Myanmar kong Lakhruak...

ASEAN ram pawl nih Min Aung Hlaing meeting an sawmmi hi an let awk a si – HRW

A ra laimi Zarhteni (April 24) ah ASEAN ram pawl nih Indonesia ram ah Myanmar ram kong ceih dingin meeting tuah an tim i...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -