American rapper Kanye West nih US president kaa cuh lai a timi cu a nupi Kim Kardashian le a chungkhar nih thazaang an pek.
July 4 ahkhan Kanye West nih US president kaa cuh ve lai tiin thawng a thanh.
“Kanye chungkhar nih Kanye thil tuah aa timhmi paoh ah tha kan pek peng ko lai. Nain, kan thinphan piak pah an ti” tiah entertainment website ET nih a ttial.
“Kanye cu a thinlung, a thazaang le a ruahnak dihlak in rian aa zuammi a si. I dinh le thazaang lak tthan a hman lo caah kan thinphan piak pah,” tiah a nupi Kardashian le chungkhar nih an ti.
Naite ahkhan, Kanye West cu Forbes nih interview a tuah i mah lio ah a chimmi cheukhat cu a nupi Kim Kardashian a lungtling lo.
“President cuh aa timhmi cu tha ka pek ko nain interview lio ah a chimmi cheukhat ka lungtling lo,” tiah Kim Kardashian nih a chim.
Kanye West cu US president cuh aa tim tak ko tiah amah he neihniam simi pawl nih an chim.
Interview ahcun Kanye West nih a luancia February thla ahkhan coronavirus zawtnak in ka zaw timi atu lio US president simi Donald Trump zong tha ka pe ti lo ti zong a chim.
Birthday Party in president cu kaa cuh lai tiah Kanye West nih a chim fawn.
