16.4 C
Hakha
Thursday, April 15, 2021
- Advertisement -

Ṭial Tharmi

Kawlram ah Covid-19 zawtnak ngei 4 an hmuh chap hna, 27 an si cang

Kawlram ah coronavirus (Covid-19) zawtnak ngei minung 4 kan hmuh chap hna. 3 cu Yangon ah khuasami an si i pakhat cu Mon state ah ummi asi, tiah April 10 ah Myanmar Ngandamnak le Zaanglek Vuanci Zung nih a thanh.

April 10 zingka 3am tiangah Kawlram ah zawtnak ngei hmuhmi dihlak minung 27 an si cang. Mah chungah 3 an thi i 2 an dam cang. A taangmi 22 cu;

  • Chin state, Tedim Sizung ah minung 2,
  • Yangon, Weibargi Sizung ah minung 15,
  • Shan state chaklei Lashio Sizung ah 1,
  • Yangon, North Okkalapa Sizung ah 1,
  • Yangon Sizung ah 2 le
  • Mon state, Kyaikmaraw Sizung ah 1 (an dihlak 22) tiin an zohkhenh hna lio asi.

North Okkalapa Sizung ah zohkhenhmi 1 le Yangon Sizung ah minung 2 cu Weibargi Sizung ah ṭhial an timh hna.

24nak an hmuhmi cu Yangon ramṭhen Mayangon peng ah a ummi kum 32 pa, Singapore ram ah rian a ṭuanmi si.

March 19 ah Singapore in Myanmar ah a tlung. April 1 thokin zawt hram aa thok i a thaduai. April 6 ah a hrom fak i a khuh. April 8 chun ah Mayangon peng sekhan ah aa piah. Sekhan nih North Okkalapa Sizung ah a kuat. Sizung ah amah dang tein an zohkhenh i a pum tihaang an lak i laboratory ah an test hnu ah Covid-19 zawtnak a ngeih an hngalh hi si.

25nk an hmuhmi cu Yangon ramṭhen Bahan peng ah ummi kum 55 pa asi. Liamcia ni 14 chungah ramleng a chuak lomi asi nain April 4 thokin a zaw i khuh caah April 9 ah Yangon Sizung ah aa piah. Mah hnu ah zawtnak a ngeih an hmuh ve hi si. Thikai le zunthlum zawtnak zong a ngeimi si.

26nk an hmuhmi cu Yangon ramṭhen, Hlaing Tharyar peng ah ummi kum 56 nu asi. Liamcia ni 14 chungah ramleng a chuak lomi si nain April 1 thokin a zaw, khuh i hrom fah caah April 8 ah Yangon Sizung ah aa piah. Anih hi thikai le zunthlum zawtnak zong a ngeimi si.

27nk an hmuhmi cu Mon state, Kyaikmaraw peng ah ummi kum 24 nu asi. Thailand ram ah kal in thla 1 chung hrawng rian a kawl. Pawfah zawtnak in Thailand ah sizung ah thla 1 hrawng aa thlop.

March 20 ah Myawaddy in a umnak Kyaikmaraw peng i an khua ah a tlung. A inn ah lengchuak loin an umter. March 30 ah Kyaikmaraw Sizung ah an kuat. April 8 ah a pum tihaang an lak i laboratory ah an test hnu ah Covid-19 rungrul a ngeih an hngalh hi si.

Anmah he aa rak chawnbia mi le an pawngkam a rak ummi vialte cu cozah nih a kawl hna lai i zawtnak an ngeih/lo anmah dang tein a zohkhenh hna lai. Mah ruang cun anmah he aa rak naihniam mi vialte cu lam nai bik Ngandamnak Zung ah kan pehtlai uh, tiah Ngandamnak le Zaanglek Vuanci nih a thanh.

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -