Bago khua ah a ummi ni 8 bawhte cu a nule pa he tiin Covid-19 in an dam cang caah October 1 zaanlei ah sizung in an chuak cang.
Ni 8 bawhte chungkhar hna cu an chungkhar ningin Covid-19 zawtnak an ngei i nizaan ah bawhte, a nulepa tiin minung 3 cu sizung in an chuak cang.
“Ni 8 bawhte le hringtu a nulepa cu Covid-19 in an dam i nizaan ah sizung in ttinter an si cang. An pum chungah Covid-19 rungrul an hmu ti hna lo. An ngan zong dam. Nawlcuah ning bantuk in inn ah quarantine an si rih lai” tiah Bago peng MP U Nyut Shwe nih a chim.
An chungkhar minung pakhat cu Yangon i Kyimyindaing sang um nga zuarnak dawr in a rak tin hnu ah Covid-19 in a zaw. Cu hnu ah, an chungkhar minung 5 ningin Covid-19 positive an si.
September 23 ah bawhte sinah Covid-19 zawtnak rungrul an hmuh.
Bawhte cu Covid-19 positive a si lio zongah a ngandam ko. Atu ahcun a sinah zawtnak rungrul an hmu ti lo i sizung zongin an chuahter cang.
Bawhte cu Bago khua ah Covid-19 mizaw hmuhmi vialte lakah ngakchiabik a si.
Nizaan October 1 ah Kawlram ah Covid-19 mizaw 1,010 bak an hmuhchap hna i zawtnak ngei hmuhmi dihlak 14,383 an si cang. – Duwun
