Myanmar Ngandamnak Vuanci Zung nih August 25 zaan suimilam 8:30pm i Covid-19 kong thawng a thanhmi ah Covid-19 mizaw 30 kan hmuhchap a ti.
August 25 ah minung 1,475 sample an test/check i Covid-19 zawtnak ngei hmuhmi 30 an si.
Covid-19 zawtnak ngei hmuhmi lakah a tambik cu Rakhine state, Sittwe peng ah a ummi an si hna. Yangon le Shan state thlanglei zong in an i tel.
Covid-19 mizaw thar cazin ah Chin state ah a ummi kum 60 pa (case 476) zong aa tel. US ram in a rung tlungmi si i Hlaing khua ah khumherh (quarantine) mi a si. Wai Bar Gi sizung ah an thlop lai.
“A tu Myanmar ram chungah zawtnak a karhmi hi Covid-19 a khoh 2nk nih a kan den ti khawh a si. Ttih a nung tuk” tiah University of Medicine 1 in Prof. Nyunt Thein nih a chim.
Cun, atu Rakhine state chungah Covid-19 zawtnak a karhmi hi ci aa thlengmi coronavirus thar (D614G) si hnga maw ti an ruat.
“G cu ttih a nunnak cu zawtnak i chawnh ning let 10 in a rang. Zawt ning a fak/zual deuh. A thimi zong an tam deuh. Hitin zawtnak a karh tuknak hi mipi daithlan ruangah a sibik” tiah Dr Nyunt Thein nih a chimchap.
Myanmar ram ah Covid-19 zawtnak ngei hmuhmi (a zaw liomi, a dam cangmi le a thimi fonh) dihlak 504 an si cang.
